ചങ്ങനാശേരി: എസ്.എൻ.ഡി.പി യോഗം 61-ാം നമ്പർ തുരുത്തി ശാഖയുടെ നേതൃത്വത്തിൽ പണികഴിപ്പിച്ച മഹാകവി കുമാരനാശാൻ സ്മാരക പ്രാർത്ഥനാലയ സമർപ്പണവും പുതിയ ശാഖാ വനിതാസംഘം യൂത്ത്മൂവ്‌മെന്റ് ഓഫീസുകളുടെ ഉദ്ഘാടനവും ഇന്ന് രാവിലെ 11ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ നിർവഹിക്കും. സമ്മേളനത്തിൽ ശാഖാ പ്രസിഡന്റ് വി. ബിജു വിജയഭവൻ അദ്ധ്യക്ഷത വഹിക്കും. യൂണിയൻ പ്രസിഡന്റ് ഗിരീഷ് കോനാട്ട് മുഖ്യപ്രഭാഷണം നടത്തുകയും ശാഖയിലെ മുതിർന്ന ഭാരവാഹികളെ ആദരിക്കുകയും ചെയ്യും. യൂണിയൻ വൈസ് പ്രസിഡന്റ് പി.എം ചന്ദ്രൻ ആമുഖ പ്രസംഗം നടത്തും. കുറിച്ചി അദ്വൈതവിദ്യാശ്രമം സെക്രട്ടറി സ്വാമി ധർമ്മ ചൈതന്യ അനുഗ്രഹ പ്രഭാഷണം നടത്തും. യൂണിയൻ സെക്രട്ടറി സുരേഷ് പരമേശ്വരൻ സംഘടനാ സന്ദേശം നൽകും. വാഴപ്പള്ളി പഞ്ചായത്ത് പ്രസിഡന്റ് വർഗീസ് ആന്റണി, ബോർഡ് മെമ്പർമാരായ എൻ. നടേശൻ, സജീവ് പൂവത്ത്, യൂണിയൻ കൗൺസിലർ അജയകുമാർ പുഴവാത് , കുറിച്ചി ശാഖാ പ്രസിഡന്റ് ജയപ്രകാശ് കെ.എൻ കുളത്തുങ്കൽ, എസ്.എൻ സ്മാരക ട്രസ്റ്റ് ട്രഷറർ പി.കെ കൃഷ്ണൻ, ഇത്തിത്താനം ശാഖാ പ്രസിഡന്റ് ചെല്ലപ്പൻ കായലോടി, യൂണിയൻ മുൻ സെക്രട്ടറിമാരായ കെ.എസ് സോമനാഥ്, പി.എസ് കുമാരൻ, ഗുരുകുലം വാഴപ്പള്ളി പടിഞ്ഞാറ് ശാഖ സെക്രട്ടറി ആർ.മനോജ്, വടക്കേക്കര ശാഖാ പ്രസിഡന്റ് പ്രവീൺ പുതുപ്പറമ്പിൽ, തുരുത്തി എൻ.എസ്.എസ് കരയോഗം പ്രസിഡന്റ് കെ. ഗോപാലകൃഷ്ണൻ നായർ, ബാബുരാജ് ശങ്കരമംഗലം, വിശ്വകർമ്മ സഭ പ്രസിഡന്റ് ശശികുമാർ കൊല്ലമ്പറമ്പിൽ, ഈശാനത്തുകാവ് സെക്രട്ടറി പി. രാധാകൃഷ്ണൻ ചെട്ടിശ്ശേരി, തുരുത്തി വനിതാ സംഘം പ്രസിഡന്റ് കെ.പി ആനന്ദം തകിടിയേൽ, യൂത്ത്മൂവുമെന്റ് യൂണിയൻ സെക്രട്ടറി അനിൽ കണ്ണാടി, വനിതാസംഘം യൂണിയൻ സെക്രട്ടറി രാജമ്മ, തുരുത്തി വനിതാസംഘം സെക്രട്ടറി റെജി സജി തകിടിയേൽ, തുരുത്തി യൂത്ത്മൂവ്‌മെന്റ് പ്രസിഡന്റ് അതുൽകുമാർ ചെമ്പകശ്ശേരി, സെക്രട്ടറി വിഷ്ണു രാജേഷ് ചെട്ടിശ്ശേരി, ശാഖയിലെ മുതിർന്ന ഭാരവാഹികളായ വി. മോഹൻദാസ് വെമ്പഴശ്ശേരി, പി. എൻ ചന്ദ്രൻ പൊക്കത്തിൽ എന്നിവർ പങ്കെടുക്കും. ശാഖാ സെക്രട്ടറി സി. ജി ഭാസ്‌കരൻ ചെട്ടിശ്ശേരി സ്വാഗതവും ശാഖാ കമ്മറ്റി അംഗം വിനീഷ് സി. വി ചെമ്പകശ്ശേരി നന്ദിയും പറയും.