തലയോലപ്പറമ്പ് : എസ്. എൻ. ഡി. പി. യോഗം ഇറുമ്പയം ശാഖയിലെ ആർ. ശങ്കർ കുടുംബ യൂണി​റ്റിന്റെ കാരുണ്യ ചികിത്സാ സഹായ ഫണ്ടിന്റെ ഉദ്ഘാടനം നടത്തി. തലയോലപ്പറമ്പ് യൂണിയൻ കൗൺസിലർ രഞ്ജിത് മൂലംമ്പുറം വെള്ളൂർ ഗ്രാമപഞ്ചായത്ത് അംഗം ജയ അനിൽ കുമാറിന് ആദ്യ കൂപ്പൺ നൽകി ഉദ്ഘാടനം നിർവഹിച്ചു. കുടുംബ യൂണി​റ്റ് ചെയർമാൻ പി.എസ് ബാബു അദ്ധ്യക്ഷത വഹിച്ചു. ശാഖ പ്രസിഡന്റ് കെ.എസ് ചന്ദ്രബോസ് ചികിത്സാ സഹായം വിതരണം ചെയ്തു.കെ.എം സോമൻ, അനിൽകുമാർ, നളിനി ഗോപാലൻ, പഞ്ചായത്ത് അംഗങ്ങളായ വി.സി ജോഷി, റെജി ആറാക്കൽ തുടങ്ങിയവർ പ്രസംഗിച്ചു.