ചങ്ങനാശേരി: രാജീവ് വിചാർവേദിയുടെ ആഭിമുഖ്യത്തിൽ മുൻ പ്രധാനമന്ത്രി രാജീവ് ഗാന്ധിയുടെ സ്മരണാർത്ഥം ഏർപ്പെടുത്തിയ 2019 ലെ ബെസ്റ്റ് സ്റ്റേറ്റ്‌സ്മാൻ അവാർഡ് കെ.സി. ജോസഫ് എം.എൽ.എയ്ക്ക് നൽകും. നവംബർ മൂന്നിന് രാവിലെ 11 ന് ചങ്ങനാശേരി എസ്.ബി.കോളേജിലെ കല്ലറയ്ക്കൽ ഹാളിൽ നടക്കുന്ന സമ്മേളനത്തിൽ മുൻ മുഖ്യമന്ത്രി ഉമ്മൻചാണ്ടി അവാർഡ് സമ്മാനിക്കും. രാജീവ് വിചാർവേദി പ്രസിഡന്റ് ബാബു കുട്ടൻചിറ അദ്ധ്യക്ഷത വഹിക്കും. പ്രതിപക്ഷ നേതാവ് രമേശ് ചെന്നിത്തല പരിപാടി ഉദ്ഘാടനം ചെയ്യും. കൊടിക്കുന്നിൽ സുരേഷ് എം.പി, മുൻ കെ.പി.സി.സി. പ്രസിഡന്റ് എം.എം. ഹസൻ, സി.എഫ്. തോമസ് എം.എൽ.എ, തിരുവഞ്ചൂർ രാധാകൃഷ്ണൻ എം.എൽ.എ, എസ്.എൻ.ഡി.പി യോഗം ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട്, ഗീവർഗീസ് മാർ ബർണബാസ് മെത്രാപ്പോലീത്ത, ഡി.സി.സി പ്രസിഡന്റ് ജോഷി ഫിലിപ്പ്, എൻ.എസ്.എസ്. ഡയറക്ടർ ബോർഡംഗം ഹരികുമാർ കോയിക്കൽ, മുനിസിപ്പൽ ചെയർമാൻ ലാലിച്ചൻ കുന്നിപ്പറമ്പിൽ, യു.ഡി.എഫ് ജില്ലാ കൺവീനർ അഡ്വ. ജോസി സെബാസ്റ്റ്യൻ, കെ.പി.സി.സി. സെക്രട്ടറി അഡ്വ. പി.എസ്.രഘുറാം എന്നിവർ പങ്കെടുക്കുമെന്ന് സ്വാഗതസംഘം ചെയർമാൻ പി.എച്ച്. നാസർ അറിയിച്ചു.