ന്യൂഡൽഹി: പുൽവാമ ഭീകരാക്രമണത്തിന് തിരിച്ചടിയായി ഇന്ത്യ നടത്തിയ ബലാക്കോട്ട് സൈനികാക്രമണത്തിന്റെ പ്രമോ വീഡിയോ പുറത്തിറക്കി വ്യോമസേന. വായുസേന ദിനത്തിന് മുന്നോടിയായി വ്യോമസേനാ മേധാവി എയർ ചീഫ് മാർഷൽ രാകേഷ് കുമാർ സിംഗ് ദദൗരിയ ആണ് വിഡിയോ പുറത്തിറക്കിയത്. ഒക്ടോബർ എട്ടിനാണ് വായുസേന ദിനം. രാജ്യത്തിന്റെ വിവിധ ഭാഗത്ത് സ്ഥിതി ചെയ്യുന്ന സൈനികതാവളങ്ങളിലെ മിറാഷ്-2000 വിമാനങ്ങളാണ് വ്യോമസേന ഈ സൈനിക നീക്കത്തിനായി ഉപയോഗിച്ചത്. അന്നത്തെ ആക്രമണത്തിന്റെ ദൃശ്യങ്ങളല്ല വീഡിയോയ്ക്ക് വേണ്ടി ഉപയോഗിച്ചതെന്ന് ദദൗരിയ വ്യക്തമാക്കി.

ബ്രീഫിംഗ് റൂം, മിറാഷ്–2000 പോർവിമാനം പറത്തുന്നത്, ശത്രുകേന്ദ്രങ്ങളെ റഡാർ സൂം ഉപയോഗിച്ചു ലക്ഷ്യം വയ്ക്കുന്നത് എന്നിവ പ്രമോയിലുണ്ട്. തൊട്ടടുത്ത ദിവസം അതിർത്തിയിൽ‌ ഇന്ത്യ-പാക് യുദ്ധവിമാനങ്ങൾ ഏറ്റുമുട്ടുന്നതും വിംഗ് കമാൻഡർ അഭിനന്ദൻ വർധമാനിലൂടെ അഭിമാനമായി മാറിയ മിഗ്–21 വിമാനവും ചിത്രീകരിച്ചിട്ടുണ്ട്.

#WATCH Indian Air Force showcases the story of the Balakot aerial strikes in a promotional video at the annual Air Force Day press conference by Air Force Chief Air Chief Marshal Rakesh Kumar Singh Bhadauria. pic.twitter.com/GBRWwWe6sJ

— ANI (@ANI) October 4, 2019