കൊച്ചി: കൊച്ചിയിൽ തലയിലൊളിപ്പിച്ച് കൊണ്ടുവന്ന സ്വർണവുമായി മലയാളി യുവാവ് അറസ്റ്റിലായി. ഷാർജയിൽ നിന്നും വന്ന മലപ്പുറം സ്വദേശി നൗഷാദാണ് നെടുമ്പാശ്ശേരി വിമാനത്താവളത്തിൽ പിടിയിലായത്. സംശയം തോന്നാതിരിക്കാൻ തലയുടെ ഒരു ഭാഗത്തെ മുടി മാറ്റി അവിടെ പേസ്റ്റ് രൂപത്തിൽ സ്വർണം ഒളിപ്പിച്ചാണ് കടത്താൻ ശ്രമിച്ചത്. അതിനുമുകളിൽ വിഗ് വച്ചാണ് നൗഷാദ് സ്വർണം ഒളിപ്പിച്ചത്. ഒന്നേകാൽ കിലോ സ്വർണമാണ് നൗഷാദ് ഷാർജയിൽ നിന്നും കടത്തികൊണ്ടുവന്നത്