തിരുവനന്തപുരം: ദേശീ​യ​പാത 45 മീറ്റ​റിൽ വിക​സി​പ്പി​ക്കുന്ന പദ്ധതി നട​പ്പി​ലാ​ക്കാൻ മുഖ്യ​മന്ത്രി പിണ​റായി വിജ​യൻ കേന്ദ്രമന്ത്രി നിധിൻ ഗഡ്ക​രിയുമായി ചർച്ച നടത്തി അനുമതി നേടിയതിനെ സംസ്ഥാനം ഒന്നാകെ അഭിനന്ദിക്കുമ്പോൾ പ്രതി​പക്ഷ നേതാവ് രമേശ് ചെന്നി​ത്തല മുഖ്യ​മ​ന്ത്രിയെ ആക്ഷേ​പി​ച്ചു​കോണ്ട് നിര​ന്തരം നട​ത്തുന്ന പ്രസ്താ​വന​കൾ വിക​സന വിരു​ദ്ധരെ സന്തോ​ഷി​പ്പി​ക്കു​ന്നതാണെന്ന് മന്ത്രി ജി.​സു​ധാ​ക​രൻ.

മുഖ്യ​മന്ത്രി ഡൽഹിയ്ക്ക് പോയത് ലാവ്‌ലിൻ കേസിനെ സ്വാധീ​നി​ക്കാനാണെന്ന വിചി​ത്ര​മായ കണ്ടു​പി​ടി​ത്തവും ചെന്നി​ത്തലയുടെ പ്രസ്താ​വനയിലുണ്ട്. ലാവ്‌ലിൻ കേസിൽ സി.​ബി.ഐ കോടതി മുഖ്യ​മന്ത്രിയെ കുറ്റ​വി​മു​ക്ത​നാ​ക്കിയ കാര്യം അറിയാത്ത മട്ടിൽ പ്രചരണം നട​ത്തു​ന്നത് രാഷ്ട്രീയ മര്യാ​ദ​ക​ളു​ടെയും നിയമ മര്യാ​ദ​ക​ളു​ടെയും ധാർമിക മര്യാ​ദ​ക​ളുടെയും ലംഘ​ന​മാ​ണ്.

നിതിൻ ഗഡ്ക​രിയെ കാണാൻ പൊതു​മ​രാമത്ത് മന്ത്രിയെ അയ​ച്ചാൽ മതി​യാ​യി​രു​ന്നു, മുഖ്യ​മന്ത്രി പോകേ​​ണ്ടതി​ല്ലാ​യി​രുന്നു എന്ന മട്ടി​ലുള്ള ചെന്നി​ത്ത​ല​യുടെ പ്രസ്താ​വന ദേശീ​യ​പാ​ത വിക​സ​ന​ത്തിന് കഴിഞ്ഞ മൂന്ന് വർഷ​ങ്ങ​ളായി മുഖ്യ​മന്ത്രി നട​ത്തി​ക്കൊ​ണ്ടി​രി​ക്കുന്ന ആത്മാർത്ഥവും ഫല​പ്ര​ദ​വു​മായ നട​പ​ടി​കളെ പറ്റി അല്പം പോലും ശ്രദ്ധി​ക്കാ​തി​രു​ന്ന​തിന്റെ ഫല​മാണ്. നിര​വ​ധി​ത​വണ പൊതു​മ​രാ​മത്ത് മന്ത്രി​യുടെ സാന്നി​ദ്ധ്യ​ത്തിൽ മുഖ്യ​മന്ത്രി പ്രധാ​ന​മ​ന്ത്രി​യു​മായും കേന്ദ്ര​മന്ത്രി​യു​മായും എൻ.​എ​ച്ച്.​എ.ഐ ചെയർമാ​നു​മായും ദേശീ​യ​പാതാ വിക​സനം ചർച്ച ചെയ്തി​ട്ടുണ്ട്. കോൺഗ്രസിന്റെ ഭരണ പരാ​ജ​യ​മാണ് ദേശീ​യ​പാത നിർമ്മാണം അന​ന്ത​മായി നീളാൻ കാരണമെന്നും ജി.​സു​ധാ​ക​രൻ പറഞ്ഞു.