ആരെയെങ്കിലും പ്രേമിക്കാൻ ഇനി പേടിയാണെന്ന് ബോളിവു‌ഡ് താരം കോയ്‌ന മിത്ര. സൽമാൻ ഖാൻ അവതാരകനായ ബിഗ് ബോസ് റിയാലിറ്റി ഷോയിലാണ് താരം ഇക്കാര്യം വെളിപ്പെടുത്തിയത്. ബിഗ് ബോസിലെ മറ്റ് മത്സരാർഥികൾക്കൊപ്പം സംസാരിക്കുകയായിരുന്നു കോന. സ്വകാര്യ ജീവിതത്തെക്കുറിച്ചുള്ള സംസാരത്തിനിടെ മത്സരാർഥികൾ കോയ്‌നയോട് ആരെയെങ്കിലും പ്രണയിക്കുന്നുണ്ടോ എന്ന് ചോദിച്ചു. ഇപ്പോൾ ആരെയും പ്രണയിക്കുന്നില്ല എന്ന് പറഞ്ഞ കോന, തന്റെ ആദ്യ പ്രണയത്തെക്കുറിച്ച് മനസുതുറന് നു.മുൻ കാമുകനെക്കുറിച്ചായിരുന്നു കോനയുടെ വെളിപ്പെടുത്തൽ.
തുർക്കി സ്വദേശിയായിരുന്നു തന്റെ മുൻകാമുകൻ. താൻ മറ്റുള്ളവരുമായി ഇടപെടുന്നതോ, സംസാരിക്കുന്നതോ അയാൾക്ക് ഇഷ്ടമല്ലായിരുന്നുവെന്ന് പേര് വെളിപ്പെടുത്താതെ കോന പറഞ്ഞു. ഒരിക്കൽ ജോലിക്ക് പോകാതിരിക്കാൻ മുംബയിലെ ഫ്ലാറ്റിലെ കുളിമുറിയിൽ തന്നെ പൂട്ടിയിട്ടെന്നും കോന പറഞ്ഞു.
തുർക്കിയിൽ ചെന്ന് അയാളുടെ മാതാപിതാക്കളെ കാണണമെന്ന് അയാൾ എപ്പോഴും വാശി പിടിക്കുമായിരുന്നു. അങ്ങനെയൊരിക്കൽ മാതാപിതാക്കളെ കണ്ടു. ''വിവാഹശേഷം തുർക്കിയിൽ താമസമാക്കുന്ന കാര്യങ്ങൾ സംസാരിക്കുന്നതിനിടെ അയാൾ പറഞ്ഞു, 'ഞാൻ തിരികെ മടങ്ങിപ്പോകാതിരിക്കാൻ എന്റെ പാസ്പോർട്ട് കത്തിച്ചുകളയുമെന്ന്.' തമാശയെന്ന് തോന്നിപ്പിക്കുംവിധം പറഞ്ഞെങ്കിലും അത് കേട്ട് താൻ ഞെട്ടിയെന്ന് കോന പറഞ്ഞു. കുറച്ച് വർഷത്തിന് ശേഷം ഇരുവരും വേർപിരിഞ്ഞു. ആരെയെങ്കിലും പ്രണയിക്കാൻ ഇനി പേടിയാണെന്നും കോന പറഞ്ഞു.