ദുബായ്: കേരളത്തിൽ 10,000 കോടിയുടെ നിക്ഷേപം നടത്താൻ പ്രവാസി വ്യവസായികൾ സന്നദ്ധത അറിയിച്ചതായി മുഖ്യമന്ത്രി പിണറായി വിജയൻ. ഡിപി വേള്‍ഡ് 3,500 കോടി രൂപയുടെ നിക്ഷേപമാണ് നടത്തുക. ഷിപ്പിംഗ് ആൻഡ് ലോജിസ്റ്റിക് മേഖലയിലായിരിക്കും നിക്ഷേപം നടത്തുക. ഡിസംബറിൽ കൊച്ചിയിൽ ആഗോള നിക്ഷേപക സംഗമം നടത്തുമെന്നും മുഖ്യമന്ത്രി അറിയിച്ചു.

ലുലു ഗ്രൂപ്പ് 1500 കോടി രൂപ ചില്ലറവിൽപന മേഖലയിലും ആർ..പി ഗ്രൂപ്പ് ആയിരം കോടി രൂപ ടൂറിസം മേഖലയിലും ആസ്റ്റർ ഗ്രൂപ്പ് 500 കോടി രൂപ ആരോഗ്യമേഖലയിലും നിക്ഷേപം നടത്തും. ഡിസംബറിൽ കൊച്ചിയിൽ നടക്കുന്ന ആഗോള നിക്ഷേപ സംഗമത്തിൽ എം.ഒ.യുവിൽ ഒപ്പുവെയ്ക്കുമെന്ന് ഡി.പി വേൾഡ് വൈസ് പ്രസിഡന്റ് ഉമർ അൽമൊഹൈരി അറിയിച്ചു.