ചലച്ചിത്ര താരം റിമ കല്ലിങ്കിലിന്റെ ചിത്രങ്ങൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ഇൻസ്റ്റഗ്രാമിൽ പോസ്റ്റ് ചെയ്ത സ്വിം സ്യൂട്ടിലുള്ള താരത്തിന്റെ ചിത്രങ്ങളാണ് ആരാധകർ ഏറ്റെടുത്തിരിക്കുന്നത്. റിമയുടെ അവധിയാഘോഷത്തിന്റെ ചിത്രങ്ങളാണ് ഇതെന്നാണ് സൂചന.
നിപ്പ വൈറസ് ഭീകരത വിളിച്ചോതിയ, ആഷിഖ് അബു സംവിധാനം ചെയ്ത വൈറസ് എന്ന ചിത്രത്തിൽ സിസ്റ്റർ ലിനിയായി എത്തിയത് റിമ കല്ലിങ്കലായിരുന്നു. കഥാപാത്രം ഏറെ കൈയടി നേടുകയും ചെയ്തു. അറബിക്കടലിന്റെ റാണി: ദ് മെട്രോ വുമന്‍, ജൂതന്‍ എന്നിവയാണ് താരത്തിന്റെ പുതിയ ചിത്രങ്ങൾ. കൂടാതെ റിമ കല്ലിങ്കലും ഭർത്താവ് ആഷിക് അബുവും കൂടെ തല്ലുമാല എന്ന ചിത്രം നിർമ്മിക്കുന്നുമുണ്ട്.സൗബിൻ ഷാഹിറാണ് ഇതിൽ നായകനായെത്തുന്നത്.