ലക്നൗ: ബസ്‌സ്റ്റാന്റിൽ അമ്മയ്ക്കൊപ്പം ഉറങ്ങിക്കൊണ്ടിരുന്ന കുഞ്ഞിനെ തട്ടിക്കൊണ്ടുപോയി. ഉത്തർപ്രദേശിലെ ഗൽഷഹീദ് റോഡ് വേയ്സ് ബസ്റ്റാന്റിൽ നിന്നാണ് എട്ടുമാസം പ്രായമായ കു‍ഞ്ഞിനെ തട്ടിക്കൊണ്ടുപോയത്. സംഭവത്തെ തുടർന്ന് കുട്ടിയുടെ മാതാവ് പൊലീസിൽ പരാതി നൽകി.

അന്വേഷണത്തിനിടെ സമീപത്തെ സി.സി.ടി.വി ദൃശ്യങ്ങൾ പൊലീസ് പരാതിക്കാരിക്ക് കാണിച്ച് കൊടുത്തു. കുട്ടിയെ തട്ടിക്കൊണ്ടുപോയ സ്ത്രീയെയും പുരുഷനെയും തനിക്ക് പരിചയമുണ്ടെന്ന് കുട്ടിയുടെ അമ്മ പൊലീസിന് മൊഴി നൽകി. 'ബസ് സ്റ്റാന്റിൽവച്ചാണ് രണ്ട് പേരെയും കാണുന്നത്. അവർ തങ്ങൾക്ക് ബ്ലാങ്കറ്റും മരുന്നുകളും വാങ്ങിത്തന്നു. രാത്രി ആ സ്ത്രീ എനിക്കരികിലും മറ്റെയാൾ ബസ്റ്റാന്റിലെ ഇരിപ്പിടത്തിലും കിടന്നു'- കുട്ടിയുടെ അമ്മ പറഞ്ഞു.

അമ്മ ഉറങ്ങിയതോടെ കുഞ്ഞിനെയുമെടുത്ത് ഇവർ സ്ഥലം വിടുകയായിരുന്നു. സി.സി.ടി.വി ദൃശ്യങ്ങൾ പൊലീസ് പുറത്തുവിട്ടിട്ടുണ്ട്. അന്വേഷണം ഊർജ്ജിതമാക്കിയിരിക്കുകയാണെന്നും പ്രതികളെ ഉടൻ പിടികൂടുമെന്നും പൊലീസ് അറിയിച്ചു.

#WATCH Moradabad: A woman & a man steal an 8-month-old baby who was sleeping next to her mother at a Roadways Bus stand in Galshaheed area on October 7. pic.twitter.com/gsVVsvCWgx

— ANI UP (@ANINewsUP) October 8, 2019