ന്യൂയോർക്ക്∙ യു..എസിലെ ബ്രൂക്‌ലിനിലുണ്ടായ വെടിവയ്പിൽ നാലുപേർ കൊല്ലപ്പെട്ടു പരുക്കേറ്റ മൂന്നു പേരെ ആശുപത്രിയിൽ പ്രവേശിപ്പിച്ചു. ബ്രൂക്‌ലിനിൽ 74 യൂടികാ അവന്യൂവിലെ ഒരുസ്വകാര്യക്ലബിൽ പ്രാദേശിക സമയം ശനിയാഴ്ച രാവിലെ 6.55നാണ് വെടിവയ്പ് നടന്നതെന്ന് ന്യൂയോർക്ക് പൊലീസ് അറിയിച്ചു.

സംഭവുമായി ബന്ധപ്പെട്ട് ആരെയും ഇതുവരെ അറസ്റ്റു ചെയ്തിട്ടില്ല. ആക്രമണം നടക്കാനുണ്ടായ സാഹചര്യം പരിശോധിച്ചു വരികയാണെന്ന് പൊലീസ് അറിയിച്ചു. പരിക്കേറ്റ മൂന്നു പേരിൽ ഒരു സ്ത്രീയും രണ്ടു പുരുഷന്മാരും ഉൾപ്പെടും. ഇവരിൽ ഒരാളുടെ കൈയ്ക്കും മറ്റു രണ്ടു പേരുടെ കാലിനുമാണ് വെടിയേറ്റത്. ഇവരുടെ നില ഗുരുതരമല്ലെന്നാണ് പൊലീസ് വൃത്തങ്ങൾ നൽകുന്ന സൂചന.