കൊഹിമ: പ്രധാനമന്ത്രി നരേന്ദ്ര മോദിയുമായി സംസാരിക്കാൻ അവസരം ലഭിച്ചാൽ പശുക്കൾക്കല്ല, രാജ്യത്തെ സ്ത്രീകൾക്ക് കൂടുതൽ ശ്രദ്ധ നൽകാൻ അഭ്യർത്ഥിക്കുമെന്ന് മിസ് കൊഹിമ മത്സരാർത്ഥി വികുവോനുവോ സാച്ചു. മിസ് കൊഹിമ പേജന്റ് 2019 സൗന്ദര്യമത്സരത്തിന്റെ ഭാഗമായ ചോദ്യോത്തര റൗണ്ടിലാണ് സാച്ചു ഇക്കാര്യം പറഞ്ഞത്. പ്രധാമന്ത്രി നരേന്ദ്ര മോദി ഒരു കൊച്ചുവർത്തമാനത്തിന്‌ സാച്ചുവിനെ ക്ഷണിച്ചാൽ എന്തായിരിക്കും ഉത്തരം എന്നതായിരുന്നു വിധികർത്താക്കളുടെ ചോദ്യം. പതിനെട്ടു വയസ് മാത്രം പ്രായമുള്ള സാച്ചുവിന്റെ ഈ ഉത്തരം സദസിൽ ചിരി പടർത്തുകയും ആരവമുയർത്തുകയും ചെയ്തു. ഇതിന്റെ വീഡിയോ ദൃശ്യം ഇപ്പോൾ സോഷ്യൽ മീഡിയയിൽ പ്രചരിച്ച് തുടങ്ങിയിട്ടുണ്ട്. ഇതിനോടകം സാച്ചുവിന്റെ വീഡിയോയ്ക്ക് അറുപത്തിനായിരത്തിലേറെ വ്യൂസും ആയിരത്തിലേറെ ലൈക്കുകളും ലഭിച്ചിട്ടുണ്ട്. സൗന്ദര്യമത്സത്തിൽ സാച്ചു രണ്ടാം റണ്ണറപ്പാവുകയും ചെയ്തു. വടക്കുകിഴക്കൻ സംസ്ഥാനമായ നാഗാലാന്റിലാണ് കൊഹിമ.
During Miss Kohima 2019 beauty pageant, a contestant was asked the question:
"if Prime Minister of our country Modi ji invites you to chat with him, what would you say?"
She replied: If I were invited by the PM of India, I would tell him to focus more on women instead of cows. pic.twitter.com/Q4HDgjlYWt