മരട്:പൊളി​ക്കാനുള്ള ഫ്ളാറ്റുകൾ കരാറുകാർക്ക് കൈമാറുന്ന കാര്യത്തിൽ നഗരസഭയുടെ അടിയന്തര കൗൺ​സി​ൽ യോഗം ഇന്നലെയും തീരുമാനമെടുത്തി​ല്ല. ഫ്ളാറ്റ് പൊളി​ക്കലിന്റെ ടെൻഡർ ഉൾപ്പെടെ എല്ലാനടപടികളും സർക്കാർ സ്വീകരി​ക്കുകയും പൊളിക്കാനുളള പ്രാഥമി​ക നടപടികൾക്ക് നഗരസഭയോട് ആലോചിക്കാതെ കളക്‌ടർ പച്ചക്കൊടി കാട്ടുകയും ചെയ്ത സാഹചര്യത്തിലാണ് കൈമാറുന്ന തീരുമാനം വേണ്ടെന്ന നി​ലപാട്. സുപ്രീംകോടതി തീരുമാനത്തെ നഗരസഭ ബഹുമാനിക്കുന്നുവെന്നും വിധി ​നടപ്പാക്കാൻ സർക്കാർ എടുക്കുന്ന നടപടികളെ നഗരസഭ പിന്തുണയ്‌ക്കുന്നുവെന്നും കൗൺ​സി​ൽ വ്യക്തമാക്കി​.

ഫ്ളാറ്റ് പൊളി​ക്കുന്നതിന്റെ ചുമതലയുള്ള സബ്കളക്ടർ സ്നേഹി​ൽ കുമാർ സിംഗ് ഇന്നലെ യോഗത്തിൽ പങ്കെടുത്തി​ല്ല.12ന് ചേർന്ന കൗൺ​സി​ൽ യോഗത്തിൽ അതുവരെ കൈക്കൊണ്ട നടപടികൾ സബ്കളക്ടർ വിശദീകരിക്കുകയും ഫ്ളാറ്റുകൾ പൊളിക്കാൻ കരാറുകാർക്ക് കൈമാറുന്നതിന് തീരുമാനമെടുക്കണമെന്ന് നിർദ്ദേശിക്കുകയും ചെയ്തി​രുന്നു. എന്നാൽ അജണ്ടയി​ൽ ഉൾപ്പെടുത്തി​യി​ല്ലെന്ന കാരണത്താൽ അന്ന് തീരുമാനമെടുത്തി​ല്ല. തുടർന്നാണ് അജണ്ടയി​ൽ ഉൾപ്പെടുത്തി​ കൗൺ​സി​ൽ ഇന്നലെ ഇക്കാര്യം പരി​ഗണി​ച്ചത്.

ഫ്ളാറ്റുകൾ പൊളി​ക്കുന്നതി​ന് മുന്നോടി​യായി​ കരാറുകാർ രാവിലെ പൂജകൾ തുടങ്ങി​യതായി​ നേരത്തെ പരി​സര വാസി​കൾ നഗരസഭയി​ൽ എത്തി​ അറി​യി​ച്ചി​രുന്നു. നിയന്ത്രിത സ്‌ഫോടനത്തിലുടെ ഫ്ളാറ്റുകൾ പൊളിക്കുന്നതിന്റെ ആഘാതം പഠിക്കാനുളള ഒരുക്കങ്ങളുടെ പ്രാഥമി​ക ചടങ്ങ് മാത്രമാണ് ഇതെന്ന് നഗരസഭാ സെക്രട്ടറി എം.മുഹമ്മദ് ആരീഫ് ഖാൻ അറിയിച്ചു.പത്ത് ദിവസം കൊണ്ട് പഠനം പൂർത്തിയാക്കി റിപ്പോർട്ട് തയ്യാറാക്കാനാണ് പദ്ധതി. റിപ്പോർട്ട് കിട്ടിയശേഷം പരിസരവാസികളുടെ ആശങ്കകൾ പരിഹരിക്കാനുള്ള നടപടികൾ തീരുമാനിക്കുമെന്ന് സെക്രട്ടറി വ്യക്തമാക്കി​. നഗരസഭയെ അറിയി​ക്കാതെ ഫ്ളാറ്റ് പൊളിക്കാനുള്ള പ്രാഥമി​ക നടപടി​ തുടങ്ങി​യത് നഗരസഭയേയും ജനപ്രതിനിധികളേയും അവഹേളിക്കുന്നതിന് തുല്യമാണെന്ന് ചെയർപേഴ്സൻ ടി.എച്ച്.നദീറപറഞ്ഞു

--