അന്ന ബെൻ ടൈറ്റിൽ കഥാപാത്രത്തെ അവതരിപ്പിക്കുന്ന പുതിയ ചിത്രം 'ഹെലന്റെ' ട്രെയ്‌ലർ പുറത്തിറങ്ങി. ത്രില്ലർ വിഭാഗത്തിൽപ്പെടുന്ന ചിത്രം നവാഗതനായ മാത്തുക്കുട്ടി സേവ്യറാണ് ചിത്രം സംവിധാനം ചെയ്യുന്നത്. ഹാബിറ്റ് ഓഫ് ലൈഫിന്റെ ബാനറിൽ വിനീത് ശ്രീനിവാസനാണ് ചിത്രം നിർമ്മിക്കുന്നത്.
ലാൽ, അജു വർഗീസ്, റോണി ഡേവിഡ് രാജ് എന്നിവർക്കൊപ്പം ഒരുകൂട്ടം പുതുമുഖങ്ങളുംചിത്രത്തിൽ അണിനിരക്കുന്നുണ്ട്. സംവിധായകനൊപ്പം ആൽഫ്രഡ് കുര്യൻ ജോസഫ്, നോബിൾ ബാബു തോമസ് എന്നിവര്‍ കൂടി ചേർന്നാണ് രചന നിർവഹിച്ചിരിക്കുന്നത്. ആനന്ദ് സി ചന്ദ്രനാണ് ഛായാഗ്രഹണം. ഷാൻ റഹ്മാൻ സംഗീതം സംവിധാനം നിർവഹിക്കുന്നു. എഡിറ്റിംഗ് ഷമീര്‍ മുഹമ്മദ്. വിശാഖ് സുബ്രഹ്മണ്യം, അജു വർഗീസ്, ധ്യാന്‍ ശ്രീനിവാസന്‍ എന്നിവരുടെ ഉടമസ്ഥതയിലുള്ള ഫന്റാസ്റ്റിക് ഫിലിംസാണ് ചിത്രം തീയറ്ററുകളിൽഎത്തിക്കുന്നത്.