ഫ്രൈഡേ ഫിലിം ഹൗസ് എക്സ്പിരിമെന്റിന്റെ പുതിയ ചിത്രം 'സുല്ലി'ന്റെ ട്രെയിലർ പുറത്ത്. നവാഗതനായ വിഷ്ണു ബരദ്വാജാണ് ചിത്രം സംവിധാനം ചെയ്യുന്നത്. രണ്ട് മിനുട്ട് ദൈർഘ്യമുള്ള ട്രെയിലറാണ് അണിയറ പ്രവർത്തകർ പുറത്തുവിട്ടിരിക്കുന്നത്. ത്രില്ലർ പശ്ചാത്തലത്തിൽ ഒരുക്കുന്ന ചിത്രത്തിൽ പ്രധാന കഥാപാത്രമായി എത്തുന്നത് മാസ്റ്റർ വാസുദേവാണ്. വിജയ് ബാബു,​ അനുമോൾ തുടങ്ങിയവരും ചിത്രത്തിലുണ്ട്.

ഫ്രൈഡേ ഫിലിംസ് അവതരിപ്പിക്കുന്ന പന്ത്രണ്ടാമത്തെ പുതുമുഖ സംവിധായകനാണ് വിഷ്ണു .പുതുമുഖങ്ങൾക്ക് കൂടുതൽ അവസരം നൽകുക എന്ന ലക്ഷ്യത്തോടെ വിജയ് ബാബു ആരംഭിച്ച ഫ്രൈഡേ ഫിലിം ഹൗസ് എക്സ്പിരിമെന്റെസിന്റെ ആദ്യ ചിത്രം ജനമൈത്രിയായിരുന്നു.