കോ​ഴി​ക്കോ​ട്: കൂ​ട​ത്താ​യി കൊ​ല​പാ​ത​ക​കേ​സിൽ ജോളിയുടെ പിതാവിന്റെ നിർണായക വെളിപ്പെടുത്തൽ. അ​ന്വേ​ഷ​ണ​സം​ഘ​ത്തി​ന്റെ ചോദ്യം ചെയ്യലിലാണ് ജോളിയുടെ പിതാവും സഹോദരങ്ങളും വെളിപ്പെടുത്തൽ നടത്തിയത്. ദുരൂഹമരണങ്ങളിലെ സംശയമുന തന്നിലേക്ക് നീളുകയും കല്ലറ തുറക്കാൻ തീരുമാനിക്കുകയും ചെയ്തതോടെ പിതാവ് ജോസഫിനോടും സഹോദരങ്ങളോടും ആറുപേരെയും താൻ കൊന്നതായി ജോളി പറഞ്ഞെന്നാണ് പൊലീസ് വ്യക്തമാക്കിയത്.

കൊ​ല​പാ​ത​ക​ങ്ങ​ളെ​കു​റി​ച്ച്‌ ജോ​ളി പ​റ​ഞ്ഞ​തോ​ടെ താ​ൻ ഞെ​ട്ടി​യ​താ​യും മോ​ളു​ടെ ഭാ​വി​യോ​ർ​ത്തു താ​ൻ ഇ​തു പു​റ​ത്തു​പ​റ​ഞ്ഞി​ല്ലെ​ന്നും പി​താ​വ് ജോ​സ​ഫ് ഞാ​യ​റാ​ഴ്ച ഡി​വൈ.​എ​സ്.പി ആ​ർ. ഹ​രി​ദാ​സി​ന്റെ ചോ​ദ്യം ചെ​യ്യ​ലിൽ സ​മ്മ​തി​ച്ചു. വെ​ളി​പ്പെ​ടു​ത്ത​ൽ ക​ഴി​ഞ്ഞു ദി​വ​സ​ങ്ങ​ൾക്കകം തന്നെകേസിൽ ജോളിയെ അറസ്റ്റുചെയ്തതായും ഇവർ പറഞ്ഞു.

ജോ​ളി​യു​ടെ സ​ഹോ​ദ​ര​ങ്ങ​ളും ഇ​ക്കാ​ര്യ​ങ്ങ​ൾ സമ്മതിച്ചു. താ​ൻ പി​ടി​ക്ക​പ്പെ​ടു​മെ​ന്നു​റ​പ്പാ​യ​പ്പോൾ ബ​ന്ധു​ക്ക​ളി​ൽ​നി​ന്നു സ​ഹാ​യം പ്ര​തീ​ക്ഷി​ച്ചാ​യി​രു​ന്നു ജോ​ളി​യു​ടെ വെ​ളി​പ്പെ​ടു​ത്ത​ലെ​ന്നും അ​വ​ർ പ​റ​ഞ്ഞു. കേ​സി​ൽ നി​ർ​ണാ​യ​ക​മാ​യേ​ക്കാ​വു​ന്ന മൊ​ഴി​യാ​ണു ജോ​ളി​യു​ടെ ബ​ന്ധു​ക്ക​ളി​ൽ​നി​ന്ന് അ​ന്വേ​ഷ​ണ​സം​ഘ​ത്തി​ന് ല​ഭി​ച്ചി​രി​ക്കു​ന്ന​ത്.

അ​തേ​സ​മ​യം കൊ​ല​പാ​ത​ക പ​ര​മ്പരയിൽ ജോളിയുടെ പിതാവിനോ മറ്റുബന്ധുക്കൾക്കോ നേരിട്ടുബന്ധമില്ലെന്നും പൊലീസ് പറയുന്നു.