സംവിധായകനെതിരെ വിമർശനവുമായി തെന്നിന്ത്യൻ താരസുന്ദരി കാജൽ അഗർവാൾ. തന്റെ ആദ്യകാല ചിത്രങ്ങളിൽ ഒന്നായ 'ദോ ലഫ്‌സോൺ കി കഹാനി' യുടെ സംവിധായകനെതിരെയാണ് കാജൽ അഗർവാൾ രംഗത്തെത്തിയത്. ഒരു ടോക് ഷോയിൽ പങ്കെടുക്കവെയാണ് താരത്തിന്റെ തുറന്നുപറച്ചിൽ.

2016 ൽ പുറത്തു വന്ന 'ദോ ലഫ്‌സോൺ കി കഹാനി' എന്ന ചിത്രത്തിലെ കിടപ്പറ രംഗങ്ങൾ വിവാദം സൃഷ്ടിച്ചിരുന്നു. രൺദീപ് ഹൂഡ നായകനായ ചിത്രം സംവിധാനം ചെയ്തത് ദീപക് ടിജോരിയാണ്.

അന്ധനായ നായക കഥാപാത്രത്തെക്കൊണ്ടാണ് സംവിധായൻ അത്തരമൊരു രംഗം ചെയ്യിച്ചത് എന്ന് കാജൽ പറയുന്നു. തനിക്കു അത് ഒട്ടും താൽപ്പര്യം ഇല്ലായിരുന്നു എന്നും കാജൽ പറയുന്നു. ഇനി ഒരിക്കലും ആ സംവിധായകനൊപ്പം സിനിമ ചെയ്യില്ല എന്നും കാജൽ പറഞ്ഞു.