ബെയ്റൂട്ട്: അ​മേ​രി​ക്ക​ ​സി​റി​യ​യി​ൽ​ ​ന​ട​ത്തി​യ​ ​ക​മാ​ൻ​ഡോ​ ​ഓ​പ്പ​റേ​ഷ​നി​ൽ​ ​ഐ​സി​സി​ന്റെ​ ​ത​ല​വ​നാ​യ​ ​കൊ​ടും​ഭീ​ക​ര​ൻ​ ​അ​ബൂ​ബ​ക്ക​ർ​ ​അ​ൽ​ ​ബാ​ഗ്ദാ​ദി​ ​കൊ​ല്ല​പ്പെ​ട്ട​ത് ​ലോ​കം​ ​ആ​ശ്വാ​സ​ത്തോ​ടെ​യാ​ണ് ​കേ​ട്ട​ത്.​ ​ഏ​ക​ദേ​ശം​ ​ഒ​രു​ ​പ​തി​റ്റാ​ണ്ടാ​യി​ ​അ​മേ​രി​ക്ക​ ​ന​ട​ത്തി​യ​ ​ശ്ര​മ​ങ്ങ​ൾ​ക്കു​ള്ള​ ​ഫ​ല​മാ​ണി​ത്.​ ​ലോ​ക​ത്തി​ലെ​ ​ഒ​ന്നാം​ന​മ്പ​ർ​ ​ഭീ​ക​ര​നെ​ ​വ​ക​വ​രു​ത്തി​ ​നീ​തി​ ​ന​ട​പ്പാ​ക്കി​ ​എ​ന്നാ​ണ് ​ട്രം​പ് ​അ​വ​കാ​ശ​പ്പെ​ട്ട​ത്.​ ​ബ്രി​ട്ട​നോ​ളം​ ​വ​ലി​പ്പ​മു​ള്ള​ ​ഒ​രു​ ​രാ​ഷ്‌​ട്രം​ ​സ്ഥാ​പി​ച്ച് ​ഭീ​ക​ര​പ്ര​വ​ർ​ത്ത​നം​ ​ന​ട​ത്തി​യ​ ​ബാ​ഗ്ദാ​ദി​യു​ടെ​ ​അ​ന്ത്യം​ ​എ​ന്തു​കൊ​ണ്ടും​ ​ഭീ​ക​ര​വി​രു​ദ്ധ​ ​പ്ര​വ​ർ​ത്ത​ന​ങ്ങ​ൾ​ക്ക് ​ശ​ക്തി​ ​പ​ക​രു​ന്ന​താ​ണ്.​ ​ബാ​ഗ്ദാ​ദി​ ​യു​ടെ​ ​നേ​തൃ​ത്വ​ത്തി​ൽ​ ​ഐ​സി​സ് ​ലോ​ക​ത്തി​ലെ​ ​ഒ​ന്നാം​ന​മ്പ​ർ​ ​ഭീ​ക​ര​പ്ര​സ്ഥാ​ന​മാ​യി​ ​മാ​റി​ ​എ​ന്ന​ത് ​ഓ​ർ​ക്കേ​ണ്ട​തു​ണ്ട്.

എന്നാൽ ബാഗ്ദാദാദിയുടെ മരണത്തിന്റെ ക്രഡിറ്റ് ഏറ്റെടുത്ത ട്രംപിനെ തള്ളി രംഗത്തെത്തിയിരിക്കുകയാണ് യു.എസ് സഖ്യസേനയുടെ ദീർഘകാല സഹായികളായ സിറിയൻ ജനാധിപത്യ സഖ്യം (എസ്.ഡി.എഫ് ).ബാഗ്‌ദാദിയെ ഇല്ലാതാക്കൾ മുഖ്യപങ്ക് വഹിച്ചത് തങ്ങളാണെന്ന് എസ്.ഡി.എഫ് അവകാശപ്പെട്ടു. അബുബക്കർ അൽ ബാഗ്ദാദിയുടെ സംഘത്തിനിടയിൽ തങ്ങൾ ചാരനെ നിയമിച്ച് നടത്തിയ നീക്കമാണ് ബാഗ്ദാദിയായെ കണ്ടെത്താൻ സഹായിച്ചതെന്ന് ഇവർ‌ പറയുന്നു.

എന്നും തന്റെ ഒളിതാവളങ്ങൾ മാറ്റിക്കൊണ്ടിരിക്കുന്നയാളാണ് അൽ ബാഗ്ദാദി. ഇതിനെ തുടർന്ന് മേയ് 15 മുതൽ ബാഗ്ദാദിയുടെ നിരീക്ഷണങ്ങൾ സി.ഐ.എയുമായി ചേർന്ന് തങ്ങൾ നിരീക്ഷിച്ചുവരികയായിരുന്നു. തുർക്കി അതിർത്തി പ്രദേശമായ ജെറാബ്ലസിലേക്ക് കടക്കാനിരിക്കെയാണ് കുർദ്ദുകൾ ബാഗ്ദാദിയുടെ താവളം കണ്ടെത്തിയതെന്ന് സിറിയൻ ജനാധിപത്യ സഖ്യത്തിലെ ഉപദേഷ്ടാവ് പോളറ്റ് കാൻ പറഞ്ഞു. 'ഞങ്ങളുടെ ചാരൻ ബാഗ്ദാദിയുടെ അടിവസ്ത്രങ്ങൾ മോഷ്ടിച്ചു. അവ ഡി.എൻ.എ പരിശോധനയ്ക്ക് വിധേയമാക്കിയാണ് ഒളിവിൽ കഴിയുന്നയാൾ ബാഗ്ദാദി തന്നെയാണെന്ന് ഉറപ്പുവരുത്തിയത്. ബാഗ്ദാദിയെ ഇല്ലാതാക്കാൻ ഒരു മാസം മുൻപ് തന്നെ പദ്ധതിയൊരുക്കിയിരുന്നു. എന്നാൽ വടക്കൻ സിറിയയിൽ നിന്നുള്ള യു.എസ് സൈന്യത്തിന്റെ പിൻമാറ്റവും തുർക്കികളുടെ സൈനിക നീക്കവും ഓപ്പറേഷന് കാലതാമസം വരുത്തി'- കാൻ പറഞ്ഞു.

ഇപ്പോഴത്തെ സൈനിക ഓപ്പറേഷനിൽ യു.എസ് സൈന്യത്തിന് ആദ്യം മുതൽ അവസാനം വരെ കുർദുകളുടെ സഹായവും പിന്തുണയുണ്ടായിരുന്നുവെന്നും കാൻ അവകാശപ്പെട്ടു. ബാഗ്ദാദി കൊല്ലപ്പെടുന്ന വേളയിൽ എസ്.ഡി.എഫ് കമാന്റോ ബാഗ്ദാദിക്കൊപ്പമുണ്ടായിരുന്നുവെന്നും ഐസിസ് നേതാവിന്റെ സുരക്ഷാ ഉപദേഷ്ടാവായി സേവനമനുഷ്ഠിച്ചാണ് അദ്ദേഹം വിവരങ്ങൾ ചോർത്തി നൽകിയതതെന്നും എസ്.ഡി.എഫ് കമാന്റർ ജനറൽ മസ്ലോം കൊബാനി പ്രതികരിച്ചു. അതേസമയം എസ്ഡിഎഫ് പങ്കിനെ കുറിച്ച് മാദ്ധ്യമങ്ങളോട് വ്യക്തമായ മറുപടി നൽകാൻ യു.എസ് ജോയിന്റ് ചീഫ് മാർക് മില്ലേയും തയ്യാറായില്ല.