വാഷിംഗ്ടൺ:ഐസിസ് ഭീകരൻ അബു ബക്കർ ബാഗ്ദാദിയെ ഓടിച്ച മിലിട്ടറി നായയെ സുന്ദരനും മിടുക്കനും എന്നാണ് അമേരിക്കൻ പ്രസിഡന്റ് ഡൊണാൾഡ് ട്രംപ് വിശേഷിപ്പിച്ചത്. ''കെ. 9 എന്നാണ് അവർ ( സൈന്യം ) അവനെ വിളിക്കുന്നത്. ഞാൻ അവനെ നായ എന്ന് വിളിക്കുന്നു. സുന്ദരനും മിടുക്കനുമായ നായ. അവന് പരിക്കു പറ്റി. അവനെ തിരികെ കൊണ്ടുവന്നു'' - ട്രംപ് പറഞ്ഞു.
ബാഗ്ദാദിയെ വേട്ടയാടിയ കമാൻഡോകളുടെ ആദ്യത്തെ പ്രതിരോധ നിര നായ്‌ക്കളായിരുന്നു.
2011ൽ ഒസാമ ബിൻ ലാദനെ വധിച്ച അമേരിക്കൻ കമാൻഡോകളെ സഹായിക്കാനും ഒരു നായ ഉണ്ടായിരുന്നു. കയ്‌റോ എന്ന പേരുള്ള, ബെൽജിയൻ മലിനോയിസ് ഇനമായിരുന്നു അവൻ. കയ്‌റോയെ ആദരിക്കുന്ന ചടങ്ങിൽ ഒബാമ പങ്കെടുത്തിരുന്നു.
ബെൽജിയൻ മലിനോയിസ് ഇനത്തിൽ പെട്ട നായയാണിത്.
ബെൽജിയത്തിലെ മെക്ക്‌ലീൻ നഗരമാണ് ജന്മദേശം
മെക്ക്‌ലീൻ എന്ന വാക്കിൽ നിന്നാണ് മലിനോയിസ്
കരുത്തിലും സ്ഫോടക വസ്തുക്കൾ മണത്തറിയുന്നതിലും മുന്നിൽ
ആജ്ഞ നൽകിയാൽ വളരെ ക്രൂരമായി ശത്രുവിനെ നേരിടും.
ബാഗ്ദാദിയുടെ ശരീരത്തിലെ സ്ഫോടക വസ്തുക്കൾ തിരിച്ചറിഞ്ഞത് നായകളാണ്.
ട്രെയിനർമാരുടെ മാലാഖ എന്നാണ് അറിയപ്പെടുന്നത്.
കൂർത്ത ചെവിയും തവിട്ടും കറുപ്പും കലർന്ന, ശൗര്യമുള്ള മുഖവും.
ഏകാഗ്രതയും പ്രതിസന്ധികളെ അതിജീവിക്കാനുള്ള കഴിവും
ഇത്തരം നായകളുടെ പപ്പിക്ക് വില 25,000 ഡോളർ (15 ലക്ഷം രൂപ)
പൂർണ പരിശീലനം കിട്ടിയ സൈനിക നായയ്‌ക്ക് 2,83,000 ഡോളർ (1.70 കോടി രൂപ !)
സൈന്യത്തിൽ മനുഷ്യ കമാൻഡോയ്‌ക്ക് തുല്യം.
ബോംബും മറ്റും മണത്തറിയാൻ മനുഷ്യനും സാങ്കേതിക വിദ്യകൾക്കും കഴിയില്ല. മിലിട്ടറി നായകൾ രാത്രിയിൽ കാണുന്നത് കാണാൻ കമാൻഡോകൾക്ക് പ്രത്യേക കാമറകൾ.
കമാൻഡോകളുടെതു പോലുള്ള സംരക്ഷണ വസ്‌ത്രം, വിഷൻ കാമറ