വാളയാര്‍ കേസില്‍ അന്വേഷണ സംഘത്തിന് എതിരെ പെണ്‍കുട്ടികളുടെ പിതാവ്.
1. വാളയാര്‍ കേസില്‍, അന്വേഷണ സംഘത്തിന് എതിരെ പെണ്‍കുട്ടികളുടെ പിതാവ് രംഗത്ത്. പെണ്‍കുട്ടികളെ കൊലപെടുത്തിയത് ആകാമെന്ന് മൊഴി നല്‍കി ഇരുന്നു എന്ന് പിതാവ്. തങ്ങളുടെ മൊഴി രേഖപ്പെടുത്തിയിട്ടില്ല എന്ന് അറിയുന്നത് ഇപ്പോള്‍. കൊലപാതക സാധ്യത അന്വേഷിക്കുന്നുണ്ട് എന്ന് തെറ്റിദ്ധരിപ്പിച്ചു. പൊലീസ് എഴുതിയ മൊഴി വായിച്ച് കേള്‍പ്പിക്കാതെ ഒപ്പിടിവിച്ചു. മൊഴിപകര്‍പ്പ് അടക്കമുള്ള ഒരു രേഖയും നല്‍കിയില്ല. പെണ്‍കുട്ടികളെ കൊന്നതാണ് എന്ന് ആണ് ഇപ്പോഴും വിശ്വസിക്കുന്നത് എന്നും പെണ്‍കുട്ടികളുടെ അച്ഛന്‍
2. കേസില്‍ അപ്പീല്‍ നല്‍കാനുള്ള സര്‍ക്കാര്‍ തീരുമാനത്തെ എതിര്‍ത്ത് പെണ്‍കുട്ടികളുടെ അമ്മയും രംഗത്ത് എത്തിയിരുന്നു. തന്റെ മക്കളെ കൊലപ്പെടുത്തിയതില്‍ കോടതി വിധിയക്ക് എതിരെ അപ്പീല്‍ അല്ല പുരനരന്വേഷണം ആണ് വേണ്ടത് എന്ന് അമ്മ. മുഖ്യമന്ത്രിയെ കണ്ട് സി.ബി.ഐ അന്വേഷണം ആവശ്യപ്പെടും എന്നും മരണപ്പെട്ട പെണ്‍കുട്ടികളുടെ അമ്മ മാദ്ധ്യമ പ്രവര്‍ത്തകരോട് പ്രതികരിച്ചു. കേസ് സംബന്ധിച്ച കോടതി വിശദാംശങ്ങളും പുറത്ത് വന്നിരുന്നു
3. കേസ് തെളിയിക്കുന്നതില്‍ പ്രോസിക്യൂഷന് പൂര്‍ണ്ണ പരാജയം എന്ന് കോടതി. പത്ത് ചാര്‍ജുകളില്‍ 8 എണ്ണം തെളിയിക്കാന്‍ പ്രോസിക്യൂഷന് ആയില്ല. 13 വയസുകാരി തൂങ്ങി മരിച്ചതു തന്നെ. പ്രോസിക്യൂഷന് ഉന്നയിച്ചത് പെണ്‍കുട്ടി മുന്‍പ് പീഡിപ്പിക്ക പെട്ടിരുന്നു എന്ന വാദം. പീഡനം നടത്തിയതിന്റെ തെളിവുകള്‍ ഹാജരാക്കിയില്ല. 28 സാക്ഷികളെ വിസ്തരിച്ചു എങ്കിലും തെളിവ് കണ്ടെത്താന്‍ പ്രോസിക്യൂഷന് ആയില്ല എന്നും പ്രതികളുടെ കുറ്റസമ്മത മൊഴി രേഖപ്പെടുത്തിയത് അറസ്റ്റിന് ശേഷം എന്നും പാലക്കാട് പോക്‌സോ കോടതിയുടെ വിധി പ്രസ്താവം
4. അട്ടപ്പാടി മഞ്ചക്കണ്ടിയില്‍ മാവോയിസ്റ്റുകള്‍ കൊല്ലപ്പെട്ട സംഭവത്തില്‍ റീ പോസ്റ്റമോര്‍ട്ടം വേണം എന്ന് നിലപാടില്‍ ഉറച്ച് മരിച്ച നേതക്കളുടെ കുടുംബം. ഇന്‍ക്വസ്റ്റ് നടപടി ക്രമങ്ങള്‍ പാലിച്ചില്ല എന്ന് ഏറ്റുമുട്ടലില്‍ കൊല്ലപ്പെട്ട കാര്‍ത്തികിന്റെ അമ്മയും സഹോദരിയുടെയും. മൃതദേഹം തിരിച്ചറിയാന്‍ അനുവദിച്ചില്ല എന്നും കുടുംബം. റീ പോസ്റ്റ്‌മോര്‍ട്ടത്തിന് പാലക്കാട് ജില്ലാ കളക്ടര്‍ക്ക് കുടുംബം അപേക്ഷ നല്‍കി. നടപടി ക്രമങ്ങള്‍ പാലിക്കാതെ മൃതദേഹങ്ങള്‍ ഏറ്റുവാങ്ങില്ല എന്നും ബന്ധുക്കള്‍. കാര്‍ത്തികിന്റെയും മണിവാസകത്തിന്റെയും ബന്ധുക്കളുടെതാണ് നിലപാട്.
5. കൊലപ്പെട്ട മാവോയിസ്റ്റ് കാര്‍ത്തിക്കിന്റെ കൈപ്പത്തി വെടിയേറ്റ് തകര്‍ന്ന നിലയില്‍. നെഞ്ചിന്റെ വലതു ഭാഗത്തും വെടിയുണ്ട് തുളച്ചു കയറി. മൃതദേഹങ്ങള്‍ ഇന്ന് കൈമാറില്ല എന്നും ബന്ധുക്കളെ വിവരം അറിയിക്കും എന്ന് പൊലീസ്. നിലവില്‍ രണ്ട് മാവോയിസ്റ്റ്കളുടെ പോസ്റ്റ്‌മോര്‍ട്ടം പൂര്‍ത്തിയായിട്ടുണ്ട്. രമയുടെയും കാര്‍ത്തിയുടെയും പോസ്റ്റ്‌മോര്‍ട്ടം ആണ് പൂര്‍ത്തിയായത്. രമയുടെ ശരീരത്തില്‍ നിന്ന് അഞ്ച് വെടിയുണ്ടകള്‍ കണ്ടെത്തി.
6. ശരീരത്തില്‍ നിരവധി മുറിവുകള്‍. തലയില്‍ മുറിവേറ്റതായും റിപ്പോര്‍ട്ട്. വെടിവെയ്പ്പില്‍ പ്രതികരണവും ആയി പാലക്കാട് എസ്.പി രംഗത്ത്. ഇന്നലെ നടന്ന മാവോയിസ്റ്റ്- തണ്ടര്‍ ഫോഴ്സ് വെടിവെയ്പ് രണ്ട് മണിക്കൂര്‍ നീണ്ടു എന്ന് എസ്.പി. സംഘം കീഴടങ്ങാന്‍ എത്തിയവരല്ല. കീഴടങ്ങാന്‍ എത്തിയവര്‍ക്ക് ആയുധം എന്തിന് എന്ന് ചോദ്യം. മാവോവാദികള്‍ എ.കെ 47 ഉപയോഗിച്ച് വെടിയുതിര്‍ത്തു. കീഴടങ്ങാന്‍ സന്നദ്ധത ഉള്ളവരെ സ്വാഗതം ചെയ്യുന്നു എന്നും എസ്.പി പറഞ്ഞു. മാവോയിസ്റ്റുകള്‍ കൊല്ലപ്പെട്ട സംഭവത്തില്‍ കേസ് എടുത്ത് സംസ്ഥാന മനുഷ്യാവകാശ കമ്മിഷന്‍. രണ്ടാഴ്ചയ്ക്ക് അകം റിപ്പോര്‍ട്ട് നല്‍കാന്‍ ഡി.ജി.പിയ്ക്ക് നിര്‍ദേശം
7. കണ്ണൂര്‍ സര്‍വകലാശാലയിലെ വിവാദ പ്രവേശനം റദ്ദാക്കി വൈസ് ചാന്‍സലര്‍ . റദ്ദാക്കിയത്, ചട്ടങ്ങള്‍ മറികടന്ന് ബിരുദം തോറ്റ വിദ്യാര്‍ത്ഥിനിക്ക് സര്‍വകലാശാല കായികപഠന വിഭാഗത്തില്‍ ബി.പി.എഡിന് പ്രവേശനം നല്‍കിയ നടപടി. സംഭവത്തില്‍, ഫിസിക്കല്‍ എജ്യുക്കേഷന്‍ വകുപ്പ് തലവന്‍ ഡോ. വി.എ വില്‍സണെ സ്ഥാനത്ത് നിന്ന് മാറ്റി. അനധികൃത പ്രവേശനം അന്വേഷിക്കാന്‍ രജിസ്ട്രാര്‍ തലവനായ മൂന്നംഗ അന്വേഷണ സമിതിയെ നിയോഗിക്കാനും തീരുമാനം ആയി. നവംബര്‍ ഏഴിന് മുമ്പ് അന്വേഷണ റിപ്പോര്‍ട്ട് നല്‍കാനും സര്‍വകലാശാല വൈസ് ചാന്‍സലര്‍ പ്രൊഫ. ഗോപിനാഥ് രവീന്ദ്രന്‍ നിര്‍ദേശിച്ചു.
8. ബികോം പരീക്ഷ പാസാകാത്ത വിദ്യാര്‍ത്ഥിനിക്ക് കണ്ണൂര്‍ സര്‍വകലാശാലക്ക് കീഴില്‍ ഫിസിക്കല്‍ എജ്യുക്കേഷന്‍ ഡിപാര്‍ട്ട്‌മെന്റില്‍ ഉന്നത പഠനത്തിന് അവസരം നല്‍കി എന്ന് ആരോപിച്ച് കെ.എസ്.യു ആണ് രംഗത്ത് എത്തിയത്. സംഭവം വിവാദം ആയതോടെ ബിരുദ പരീക്ഷ ജയിപ്പിക്കാന്‍ ഗ്രേസ് മാര്‍ക്ക് നല്‍കുന്നതിന് ഉന്നത വിദ്യാഭ്യാസ മന്ത്രി ഇടപെടുന്നും എന്നും കെ.എസ്.യു പ്രവര്‍ത്തകര്‍. വിദ്യാര്‍ത്ഥികള്‍ പ്രതിഷേധിച്ച് രംഗത്ത് എത്തിയതോടെ ആണ് വിഷയത്തില്‍ വൈസ് ചാന്‍സലര്‍ അടിയന്തരമായി ഇടപ്പെട്ടത്.
9. ലക്ഷദ്വീപ് തീരത്തെ ന്യൂനമര്‍ദം കൂടുതല്‍ ശക്തമായി അടുത്ത 24 മണിക്കൂറിന് ഉള്ളില്‍ അതി തീവ്ര ന്യൂനമര്‍ദ്ദം ആകും എന്ന് കാലാവസ്ഥാ കേന്ദ്രം. വെള്ളിയാഴ്ച വൈകുന്നേരത്തോടെ ചുഴലിക്കാറ്റ് ആകാനും സാധ്യത എന്നും കാലാവസ്ഥ നിരീക്ഷണ കേന്ദ്രം. രണ്ട് ദിവസം ശക്തമായ മഴ തുടരും. ലക്ഷദ്വീപില്‍ അതീവ ജാഗ്രത നിര്‍ദേശം. ഇന്ന് ലക്ഷദ്വീപില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. 40 മുതല്‍ 50 കിലോ മീറ്റര്‍ വരെ വേഗത്തില്‍ കാറ്റും വീശാനും സാധ്യത. ഞായറാഴ്ച ആന്‍ഡമാന്‍ തീരത്ത് പുതിയ ന്യൂനമര്‍ദ്ദം രൂപപ്പെടും എന്നും കാലാവസ്ഥ നീരീക്ഷണ കേന്ദ്രത്തിന്റെ മുന്നറിയിപ്പ്.
10. കേരളത്തില്‍ മൂന്ന് ജില്ലകളില്‍ അതിശക്തമായ മഴക്ക് സാധ്യത ഉണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. അതി ശക്തമായ മഴക്കുള്ള സാധ്യത കണക്കില്‍ എടുത്ത് ആലപ്പുഴ, എറണാകുളം, ഇടുക്കി ജില്ലകളില്‍ ഇന്ന് ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. നാലു ജില്ലകളില്‍ യെല്ലാ അലര്‍ട്ടാണുള്ളത്. ശക്തമായ മഴ മലയോര മേഖലയില്‍ മലവെള്ളപ്പാച്ചിലിനും ഉരുള്‍പൊട്ടലിനും മണ്ണിടിച്ചിലിനും കാരണമാകും. കേരള തീരത്ത് മത്സ്യബന്ധനത്തിന് പൂര്‍ണ നിരോധനം ഏര്‍പ്പെടുത്തി.
11. ഐ.എസ് സ്ഥാപകന്‍ അബൂബക്കര്‍ അല്‍ ബാഗ്ദാദി കൊല്ലപ്പെട്ടതിനു പിന്നാലെ പുതിയ അവകാശവാദവും ആയി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. അല്‍ ബാഗ്ദാദി യ്ക്ക് പകരം സ്ഥാനമേറ്റ ഭീകര നേതാവിനെയും വധിച്ചു എന്ന് അവകാശവാദം. എന്നാല്‍, ബാഗ്ദാദിക്കു പകരമെത്തിയ നേതാവിന്റെ പേര് ട്രംപ് പരാമര്‍ശിച്ചില്ല. വധിച്ചതെങ്ങനെ എന്നും വ്യക്തമാക്കിയില്ല. ബഗ്ദാദി തന്റെ പിന്‍ഗാമിയെ തീരുമാനിച്ചിരുന്നില്ല. അബു ഹസന്‍ അല്‍ മുഹാജിര്‍ ആണു പകരക്കാരനായി എത്തിയത് എന്നാണു മാദ്ധ്യമ റിപ്പോര്‍ട്ടുകള്‍