കോന്നി: വോട്ട് ചെയ്യുന്നതിന് 12 തരത്തിലുള്ള തിരിച്ചറിയൽ രേഖകൾ ഉപയോഗിക്കാം. വോട്ടർ തിരിച്ചറിയൽ കാർഡ്, പാസപോർട്ട്, ഡ്രൈവിംഗ് ലൈസൻസ്, കേന്ദ്ര,സംസ്ഥാനപൊതുമേഖല സ്ഥാപനങ്ങൾ, പൊതുമേഖല കമ്പനികൾ എന്നിവ ജീവനക്കാർക്ക് അനുവദിക്കുന്ന സർവീസ് തിരിച്ചറിയൽ രേഖ, ബാങ്ക്‌, പോസ്റ്റ് ഓഫീസ് എന്നിവ അനുവദിക്കുന്ന ഫോട്ടോ പതിച്ച പാസ്ബുക്ക്, പാൻ കാർഡ്, കേന്ദ്ര തൊഴിൽ മന്ത്രാലയത്തിന്റെ വിവിധ പദ്ധതികളുടെ ഭാഗമായി അനുവദിച്ചിട്ടുള്ള സ്മാർട് കാർഡ്, തൊഴിലുറപ്പ് പദ്ധതി ജോബ് കാർഡ്, കേന്ദ്ര തൊഴിൽ മന്ത്രാലയത്തിന്റെ പദ്ധതിയുടെ ഭാഗമായി അനുവദിച്ച ആരോഗ്യ ഇൻഷുറൻസ് സ്മാർട്കാർഡ്, ഫോട്ടോ പതിച്ച പെൻഷൻ കാർഡ്, എം.പി/എം.എൽ.എ എന്നിവർക്ക് അനുവദിച്ചിട്ടുള്ള ഔദ്യോഗിക തിരിച്ചറിയൽ രേഖ, ആധാർ കാർഡ് എന്നീ തിരിച്ചറിയൽ രേഖകൾ ഉപയോഗിച്ച് വോട്ട് ചെയ്യാം. ഫോട്ടോ പതിച്ച വോട്ടർ സ്ലിപ് സമ്മതിദാന കേന്ദ്രങ്ങളിൽ വോട്ടറെ തിരിച്ചറിയുന്നതിനുള്ള ഔദ്യോഗിക രേഖയല്ല. വോട്ടർ സ്ലിപ് വോട്ടർക്ക് മാർഗ നിർദേശം നൽകുന്നതിനു വേണ്ടിയാണ് വിതരണം ചെയ്യുന്നത്.