കോന്നി : കോന്നി - തണ്ണിത്തോട് റോഡിൽ ഓടികൊണ്ടിരുന്ന വാഹനത്തിൽ നിന്ന് ഓയിൽ ചോർന്നതിനെ തുടർന്ന് ഞള്ളൂരിൽ വാഹനങ്ങൾ അപകടത്തിൽ പെട്ടു. ഇന്നലെ രാവിലെ ആയിരുന്നു സംഭവം. തണ്ണിത്തോട് കോന്നി റോഡിൽ ഞള്ളൂർ ഇറക്കത്തിലായിരുന്നു ഓയിൽ ചോർന്നത്. അരക്കിലോമീ​റ്ററോളം ദൂരത്തിൽ ഓയിൽ റോഡിൽ വ്യാപിച്ചതോടെ നിരവധി ഇരുചക്ര വാഹനങ്ങൾ അപകടത്തിൽപെട്ട് യാത്രക്കാർക്ക് പരുക്കേ​റ്റു. ഇവരെ വിവിധ ആശുപത്രികളിൽ പ്രവേശിപ്പിച്ചു. തണ്ണിത്തോട് ഭാഗത്ത് നിന്ന് വന്ന കാറും ഓയിലിൽ തെന്നി നിരങ്ങി നീങ്ങി. നാട്ടുകാർ വിവരമറിയിച്ചതിനെ തുടർന്ന് കോന്നി ഫയർഫോഴ്‌സ് അധികൃതർ സ്ഥലത്തെത്തി. ഏറെ നേരത്തെ പരിശ്രമത്തിനൊടുവിൽ റോഡ് കഴുകി വൃത്തിയാക്കിയതിന് ശേഷമാണ് ഗതാഗതം പുന:സ്ഥാപിച്ചത്. കോന്നി ഫയർഫോഴ്‌സ് സ്​റ്റേഷൻ ഓഫീസർ സബാസ്​റ്റ്യൻ ലോപ്പസ്,ലീഡിഗ് ഫയർമാൻ എ. സേതുനാഥപിള്ള, ഫയർമാൻമാരായ അജിഖാൻ, ബിജുമോൻ, ദില്ലു, അനീഷ്, ജിതിൻ, ബ്രോൺ തുടങ്ങിയവർ നേതൃത്വം നൽകി.