gandhi-bhavan

പ​ത്ത​നാ​പു​രം: ഗാ​ന്ധി​ഭ​വ​നിൽ വി​ജ​യ​ദ​ശ​മി ആ​ഘോ​ഷ​വും വി​ദ്യാ​രം​ഭ​വും ന​ട​ന്നു. ഗാ​ന്ധി​ഭ​വ​നി​ലെ അ​ന്തേ​വാ​സി​ക​ളാ​യ കു​ട്ടി​ക​ളെ ​കൂ​ടാ​തെ പു​റ​ത്തു​നി​ന്നു​ള്ള കു​രു​ന്നു​ക​ളും കാ​രു​ണ്യ​ത്തി​ന്റെ കൂ​ട്ടു​കു​ടും​ബ​ത്തിൽ നി​ന്നും ആ​റി​വി​ന്റെ ആ​ദ്യ​ക്ഷ​രം നു​കർ​ന്നു. ക​വ​യ​ത്രി​യും സാ​മൂ​ഹ്യ​പ്ര​വർ​ത്ത​ക​യു​മാ​യ എം.ആർ. ജ​യ​ഗീ​ത, ച​ല​ച്ചി​ത്ര​ന​ടൻ ടി.പി. മാ​ധ​വൻ, ഗാ​ന്ധി​ഭ​വൻ ട്ര​സ്റ്റി പ്ര​സ​ന്നാ രാ​ജൻ എ​ന്നി​വർ കു​ട്ടി​കൾ​ക്ക് അ​ക്ഷ​ര​വെളിച്ചം പകർന്നു.
ഹ​രി​യാ​ന സ്വ​ദേ​ശി​നി​യാ​യ സ​ലോ​നി എ​ന്ന പന്ത്രണ്ടുകാ​രി​യും മ​ല​യാ​ള​ത്തിൽ ഹ​രി​ശ്രീ കു​റി​ച്ചു​കൊ​ണ്ട് മു​ട​ങ്ങി​യ പഠ​നം പു​ന​രാ​രം​ഭ​ച്ചു. മാ​താ​വി​നൊ​പ്പം ഒ​ന്ന​ര​മാ​സം മു​മ്പാ​ണ് സ​ലോ​നി ഗാ​ന്ധി​ഭ​വ​നിൽ അ​ന്തേ​വാ​സി​യാ​യി എ​ത്തി​യ​ത്. വി​ജ​യ​ദ​ശ​മി സ​മ്മേ​ള​നം എം.ആർ. ജ​യ​ഗീ​ത ഉ​ദ്​ഘാ​ട​നം ചെ​യ്​തു. ഗാ​ന്ധി​ഭ​വൻ വൈ​സ് ചെ​യർ​മാൻ പി.എ​സ്. അ​മൽ​രാ​ജ് അ​ദ്ധ്യ​ക്ഷ​ത വ​ഹി​ച്ചു. ഗാ​ന്ധി​ഭ​വൻ അ​സി​സ്റ്റന്റ് സെ​ക്ര​ട്ട​റി ജി. ഭു​വ​ന​ച​ന്ദ്രൻ സ്വാ​ഗ​ത​വും അ​ഹ​മ്മ​ദ് മു​സ്ലിം ന​ന്ദി​യും പ​റ​ഞ്ഞു.