കൊല്ലം : കൊല്ലൂർവിള ഭാരത് നഗർ റസിഡന്റ്സ് അസോസിയേഷന്റെ നേതൃത്വത്തിൽ മെഡിക്കൽ ക്യാമ്പും വിദ്യാഭ്യാസ അവാർഡ് വിതരണവും കുടുംബസംഗമവും രണ്ടു ദിവസങ്ങളിലായി നടത്തി. കൊല്ലൂർവിള ഡിവിഷൻ കൗൺസിലർ എം. സലീം മെഡിക്കൽ ക്യാമ്പ് ഉദ്ഘാടനം ചെയ്തു. ഡോ. സഫറുള്ളാഖാൻ കുട്ടികളുടെ വിഭാഗത്തിലും, ഡോ. നയന വിജയൻ മുതിർന്നവരുടെ വിഭാഗത്തിലും, ഡോ. ഷാനിമാനിസാം, ഡോക്ടർ നിസാമുദ്ദീൻ എന്നിവർ ഡെന്റൽ വിഭാഗത്തിലുമുള്ള ചെക്കപ്പുകൾക്ക് നേതൃത്വം നൽകി. മെറിറ്റ് അവാർഡ് വിതരണം കൊല്ലം ജില്ലാ ഇൻഫർമേഷൻ ഓഫീസർ അജോയ് ചന്ദ്രൻ ഉദ്ഘാടനം ചെയ്തു. കഴിഞ്ഞ അദ്ധ്യയന വർഷം മികച്ച വിജയം നേടിയ നഗറിലെ വിദ്യാർത്ഥികളെ അദ്ദേഹം മൊമെന്റോ നൽകി ആദരിച്ചു. നഗർ പ്രസിഡന്റ് എം.ആർ. മണി അദ്ധ്യക്ഷത വഹിച്ചു. കൊല്ലൂർവിള സർവീസ് സഹകരണ ബാങ്ക് പ്രസിഡന്റ് അൻസർ അസീസ്, സെക്രട്ടറി ഷംസുദ്ദീൻ, ആദിക്കാട് ഗോപൻ, പ്രൊഫ. ടി.വി. രാജു, സുരേഷ് ബാബു, ഡോ. സഫറുള്ളാഖാൻ, അബ്ദുൽ റഷീദ്, രാജേന്ദ്രൻ, ഷരീഫ് പി.എം., സുബ്രഹ്മണ്യൻ, അബ്ദുൽ കലാം തുടങ്ങിയവർ സംസാരിച്ചു. തുടർന്ന് ഓണസദ്യയ്ക്ക് ശേഷം എ.വി.എം മ്യൂസിക്ക് കൊല്ലവും നഗർ കുടുംബാംഗങ്ങളും അവതരിപ്പിച്ച കലാവിരുന്നുകളും നടന്നു. കലാകായിക മത്സര വിജയികൾക്ക് കൊല്ലൂർവിള സർവീസ് സഹകരണ ബാങ്ക് പ്രസിഡന്റ് അൻസർ അസീസ് സമ്മാനങ്ങൾ വിതരണം ചെയ്തു.