പ​ത്ത​നാ​പു​രം: ക​മു​കും​ചേ​രി തി​രു​വി​ള​ങ്ങോ​ന​പ്പൻ ക്ഷേ​ത്ര​ത്തി​ന് മുൻ​വ​ശ​ത്ത് സ്ഥാ​പി​ച്ചി​രു​ന്ന ഹൈ​മാ​സ്റ്റ് ലൈ​റ്റിന്റെ ഉപകരണങ്ങൾ മോഷണംപോയി. കഴിഞ്ഞ ദിവസം രാത്രിയിലായിരുന്നു സംഭവം. ലൈ​റ്റിന്റെ ഇ​രു​മ്പ് തൂ​ണി​നോ​ട് ചേർ​ന്ന് സ്ഥാ​പി​ച്ചി​രു​ന്ന ഇ.എൽ.സി.വി മി​ഷ്യ​നും ടൈ​മ​റും അ​ട​ക്ക​മു​ള്ള ഉ​പ​ക​ര​ണ​ങ്ങ​ളാ​ണ് അ​പ​ഹ​രി​ച്ച​ത്.

ലൈ​റ്റ് പ്ര​കാ​ശി​ക്കാ​ത്ത​തി​നാൽ പ്ര​ദേ​ശ​വാ​സി​കൾ ന​ട​ത്തി​യ പ​രി​ശോ​ധ​ന​യി​ലാ​ണ് മോ​ഷ​ണം ശ്ര​ദ്ധ​യിൽ പെ​ട്ട​ത്. കൂ​ടാ​തെ തി​രു​വി​ള​ങ്ങോ​ന​പ്പൻ ക്ഷേ​ത്ര​ത്തിൽ സ്ഥാ​പി​ച്ചി​രു​ന്ന എൽ.ഇ.ഡി ബൾ​ബു​ക​ളും അ​പ​ഹ​രി​ച്ച​ട്ടു​ണ്ട്.

സം​ഭ​വ​ത്തിൽ ക്ഷേ​ത്ര ഉ​പ​ദേ​ശ​ക സ​മി​തി കു​ന്നി​ക്കോ​ട് പൊ​ലീ​സിൽ പ​രാ​തി നൽ​കി. ര​ണ്ടാ​ഴ്​ച മു​മ്പാ​ണ് കാ​ര്യ​റ​യിൽ അ​ഞ്ച് വീ​ടു​ക​ളിൽ മോ​ഷ​ണ ശ്ര​മം ന​ട​ന്ന​ത്. മി​ക്ക​വീ​ടു​ക​ളു​ടേ​യും ക​ത​ക് ത​കർ​ത്താ​ണ് മോ​ഷ്ടാ​ക്കൾ അ​ക​ത്ത് ക​ട​ന്ന​ത്. വീ​ട്ടു​കാർ ഉ​ണർ​ന്ന​പ്പോ​ഴേ​ക്കും ഇവർ ഓ​ടി​ര​ക്ഷ​പെ​ട്ടു. ക​ഴി​ഞ്ഞ ദി​വ​സം ത​ല​വൂർ കു​ര​യിൽ ആൾ​താ​മ​സ​മി​ല്ലാ​ത്ത വീ​ട്ടി​ലും മോ​ഷ​ണ ശ്ര​മം ന​ട​ന്നി​രു​ന്നു. ക​ത​ക് ത​കർ​ക്കു​ന്ന ശ​ബ്ദം കേ​ട്ട് അ​യൽ​വാ​സി​കൾ ഉ​ണർ​ന്ന് ബ​ഹ​ളം വെ​ച്ച​പ്പോ​ഴേ​ക്കും മോ​ഷ്ടാ​ക്കൾ രക്ഷപ്പെട്ടു. കു​ര കോ​യി​പ്പു​റ​ത്ത്​ കാർ​ത്തി​ക​യിൽ ബാ​ബു​രാ​ജിന്റെ വീ​ട്ടി​ലാ​യി​രു​ന്നു സം​ഭ​വം. ഇ​വർ കു​ടും​ബ​സ​മേ​തം ചെ​ന്നൈ​യി​ലാ​ണ്. മോ​ഷ​ണം ന​ട​ന്ന പ്ര​ദേ​ശ​ങ്ങ​ളിൽ കു​ന്നി​ക്കോ​ട് പൊലീസ് പ​രി​ശോ​ധ​ന ന​ട​ത്തി.