അഞ്ചൽ: കേരളകൗമുദിയും ലയൺസ് ക്ലബും ചേർന്ന് സംഘടിപ്പിക്കുന്ന റോഡ് സുരക്ഷാ സെമിനാർ 13ന് ഉച്ചയ്ക്ക് 1.30ന് അഞ്ചൽ ലയൺസ് ക്ലബ് ഹാളിൽ (അലയമൺ ഗവ. എൽ.പി.എസിന് സമീപം) നടക്കും. ഇതിനോട് അനുബന്ധിച്ച് നടക്കുന്ന സമ്മേളനം മന്ത്രി കെ. രാജു ഉദ്ഘാടനം ചെയ്യും. ലയൺസ് സോൺ ചെയർമാൻ അനീഷ് കെ. അയിലറ അദ്ധ്യക്ഷത വഹിക്കും. ലയൺസ് ഡിസ്ട്രിക്ട് ഗവർണർ ഡോ.എ.ജി. രാജേന്ദ്രൻ മുഖ്യാതിഥിയാകും. മുൻ ഐ.ജിയും ലയൺസ് ഡിസ്ട്രിക്ട് ചെയർമാനുമായ എസ്. ഗോപിനാഥ് സെമിനാർ ഉദ്ഘാടനം ചെയ്യും.

അഞ്ചൽ ശബരിഗിരി ആശുപത്രി ചീഫ് മെഡിക്കൽ ഓഫീസർ ഡോ.വി.കെ. ജയകുമാർ

പ്രഥമ ശുശ്രൂഷാ ക്ലാസ് നയിക്കും. കേരളകൗമുദി കൊല്ലം യൂണിറ്റ് ചീഫും റഡിഡന്റ് എഡിറ്ററുമായ എസ്. രാധാകൃഷ്ണൻ മുഖ്യപ്രഭാഷണം നടത്തും. അഞ്ചൽ സർക്കിൾ ഇൻസ്പെക്ടർ സി.എൽ. സുധീർ, മോട്ടോർ വെഹിക്കിൾ ഇൻസ്പെക്ടർ എം. ഷെരീഫ് എന്നിവർ റോഡ് സുരക്ഷാ ക്ലാസെടുക്കും. വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് എസ്. ദേവരാജൻ, അഞ്ചൽ സെന്റ് ജോൺസ് കോളേജ് മുൻ പ്രിൻസിപ്പൽ ഡോ. കെ.വി. തോമസ് കുട്ടി, രചനാ ഗ്രാനൈറ്റ്സ് എം.ഡി. കെ. യശോധരൻ, ലയൺസ് ഡിസ്ട്രിക്ട് അസി. ക്യാബിനറ്റ് സെക്രട്ടറി പി.ടി. കുഞ്ഞുമോൻ, ലയൺസ് റീജിയൺ ചെയർമാൻ സി. ജേക്കബ്, അഞ്ചൽ സെന്റ് ജോർജ്ജ് സെൻട്രൽ സ്കൂൾ പ്രിൻസിപ്പൽ ലീനാ അലക്സ്, ലയൺസ് റീജിയൺ കോ ഓർഡിനേറ്റർ ഫോർ യൂത്ത് ജി. സുഗതൻ, ലയൺസ് ക്ലബ് പ്രസിഡന്റുമാരായ അഡ്വ. എസ്.എം. ഖലീൽ, എം.ബി. തോമസ്, എൽ.ആർ. ജയരാജ്, ജെ. അജിത് കുമാർ, സി. സജികുമാർ, അഞ്ചൽ ലയൺസ് ക്ലബ് സെക്രട്ടറി രാധാകൃഷ്ണൻ സി. പിള്ള, ഡോ. ഷേർളി ശങ്കർ(ശങ്കേഴ്സ് കണ്ണാശുപത്രി), എക്സ് സർവ്വീസ് ലീഗ് അഞ്ചൽ മേഖലാ പ്രസിഡന്റ് പി. അരവിന്ദൻ, ടാക്സി ഡ്രൈവേഴ്സ് വെൽഫെയർ അസോസിയേഷൻ സെക്രട്ടറി ജി. രാജീവ് എന്നിവർ സംസാരിക്കും. ലയൺസ് മുൻ ഡിസ്ട്രിക്ട് ഗവർണർ അഡ്വ. ജി. സുരേന്ദ്രൻ സ്വാഗതവും കേരളകൗമുദി അഞ്ചൽ ലേഖകൻ അഞ്ചൽ ജഗദീശൻ നന്ദിയും പറയും.