കൊല്ലം: അനുഭവങ്ങളുടെ തീച്ചൂളയിൽ നിന്ന് ആചാരങ്ങൾക്കെതിരെ പൊരുതിയ ധീരയും അപൂർവ എഴുത്തുകാരിയുമായിരുന്നു ചന്ദ്രക്കല എസ്. കമ്മത്ത് എന്ന് കവി ചവറ കെ.എസ്. പിള്ള പറഞ്ഞു. എഴുത്തിൽ 40 വർഷം പൂർത്തിയാക്കിയ നോവലിസ്​റ്റ് ചന്ദ്രക്കല എസ്. കമ്മത്തിനെ സങ്കീർത്തനം സാംസ്‌കാരിക വേദിയുടെ ആഭിമുഖ്യത്തിൽ ആദരിക്കുന്ന ചടങ്ങിൽ സംസാരിക്കുകയായിരുന്നു അദ്ദേഹം. നോവലിസ്​റ്റിന്റെ വസതിയായ പ്രശാന്തിയിൽ നടന്ന ചടങ്ങിൽ വേദി സെക്രട്ടറി ആശ്രാമം ഭാസി അദ്ധ്യക്ഷത വഹിച്ചു. എം.എം. അൻസാരി, ജി. രാജ്‌മോഹൻ, വി. സന്തോഷ് കുമാർ, ജി. ആൻഡ്രൂസ് ജോർജ്, പ്രദീപ് ആശ്രാമം എന്നിവർ സംസാരിച്ചു.