കരുനാഗപ്പള്ളി : എൻ.ആർ.ഇ.ജി വർക്കേഴ്സ് യൂണിയൻ കരുനാഗപ്പള്ളി ഏരിയാ കമ്മിറ്റിയുടെ ആഭിമുഖ്യത്തിൽ തൊഴിലുറപ്പ് പദ്ധതിയും നിയമങ്ങളും എന്ന വിഷയത്തിൽ ശില്പശാല സംഘടിപ്പിച്ചു. കരുനാഗപ്പള്ളി ഐ.എം.എ ഹാളിൽ നടന്ന ശില്പശാല യൂണിയന്റെ ആലപ്പുഴ ജില്ലാ പ്രസിഡന്റ് എസ്. പവനനാഥൻ ഉദ്ഘാടനംചെയ്തു. ഏരിയാ കമ്മിറ്റി പ്രസിഡന്റ് ബി . സുധർമ്മ അദ്ധ്യക്ഷത വഹിച്ചു. കിലാ ഫാക്കൽറ്റി കെ.പി. ദിനേശ് ക്ലാസ് നയിച്ചു. അയ്യങ്കാളി തൊഴിലുറപ്പ് പദ്ധതിയെപ്പറ്റി കരുനാഗപ്പള്ളി മുനിസിപ്പൽ വൈസ് ചെയർമാൻ ആർ. രവീന്ദ്രൻപിള്ള വിശദീകരണം നടത്തി. സി.പി.എം കരുനാഗപ്പള്ളി ഏരിയാ കമ്മിറ്റി സെക്രട്ടറി പി .കെ . ബാലചന്ദ്രൻ, കൊല്ലം ജില്ലാ പഞ്ചായത്ത് പ്രസിഡന്റ് സി . രാധാമണി, മുനിസിപ്പൽ ചെയർപേഴ്സൺ എം. ശോഭന, കുലശേഖരപുരം പഞ്ചായത്ത് പ്രസിഡന്റ് ശ്രീലേഖാ കൃഷ്ണകുമാർ, വൈസ് പ്രസിഡന്റ് മറ്റത്ത് രാജൻ, ആലപ്പാട് പഞ്ചായത്ത് പ്രസിഡന്റ് പി. സെലീന, വൈസ് പ്രസിഡന്റ് എം.ബി . സഞ്ജീവ്, യൂണിയൻ ഏരിയാ കമ്മിറ്റി സെക്രട്ടറി ആർ. സോമരാജൻ, ട്രഷറർ എം. സുഗതൻ എന്നിവർ സംസാരിച്ചു.