കൊ​ല്ലം​:​ ​സ്വ​ത്ത് ​ത​ർ​ക്ക​ത്തി​നി​ടെ മകൻ അ​മ്മ​യെ​ ​കൊ​ല​പ്പെ​ടു​ത്തി​യ​ ​ശേ​ഷം കുഴിച്ചിട്ട കേസിലെ കൂട്ടുപത്രിയായ ഓട്ടോ ഡ്രൈവർ പിടിയിലായി. ​ ചിന്നക്കട ഉഷാ തീയേറ്ററിനു സമീപത്തെ സ്റ്റാൻഡിലെ ഡ്രൈവർ പുള്ളിക്കട ശങ്കർ നഗർ പുഷ്പഭവനിൽ കുട്ടൻ (36) ആണ് പിടിയിലായത്.

കൊ​ല്ലം​ ​ചെ​മ്മാം​മു​ക്ക് ​പ​ട്ട​ത്താ​നം​ ​നീ​തി​ ​ന​ഗ​ർ​- 68,​ ​പ്ലാ​മൂ​ട്ടി​ൽ​ ​കി​ഴ​ക്ക​തി​ൽ​ ​വീ​ട്ടി​ൽ​ ​പ​രേ​ത​നാ​യ​ ​സു​ന്ദ​രേ​ശ​ന്റെ​ ​ഭാ​ര്യ​ ​സാ​വി​ത്രി​ ​അ​മ്മ​യെ കൊലപ്പെടുത്തിയ മകൻ സുനിൽകുമാറിനെ മൃതദേഹം കുഴിച്ചിടാൻ സഹായിച്ചതാണ് ഇയാൾക്കെതിരെയുള്ള കുറ്റം.

കുട്ടനെ തിരുനെൽവേലിയിൽ നിന്നാണ് സിറ്റി പൊലീസ് ഷാഡോ സംഘം അറസ്റ്റ് ചെയ്തത്. ഒന്നാം പ്രതി സുനിൽകുമാറിനെ ഇന്നലെ കോടതിയിൽ ഹാജരാക്കി റിമാൻഡ് ചെയ്തു.

സെ​പ്തം​ബ​ർ​ 3 ​ന് ​വൈ​കി​ട്ട് ​നാ​ലോ​ടെ​യാ​ണ് ​സം​ഭ​വം.​ സാവിത്രി ​അ​മ്മ​യു​മാ​യി​ ​വ​ഴ​ക്കി​ട്ട​ ​സുനിൽകുമാർ കൊ​ല്ലം​ ​അ​പ്സ​ര​ ​ജം​ഗ്ഷ​നി​ലു​ള്ള​ ​മൂ​ന്നു​ ​സെ​ന്റ് ​സ്ഥ​ലം​ ​എ​ഴു​തി​ക്കൊ​ടു​ക്കാ​ൻ​ ​ആ​വ​ശ്യ​പ്പെ​ട്ടു.​ ​സ്ഥ​ലം​ ​കി​ട്ടി​യി​ല്ലെ​ങ്കി​ൽ​ ​ര​ണ്ടു​ ​ല​ക്ഷം​ ​രൂ​പ​ ​വേ​ണ​മെ​ന്നാ​യി.​ ​വ​ഴ​ങ്ങാ​തി​രു​ന്ന​ ​അ​മ്മ​യെ​ ​ത​ല​യ്ക്ക​ടി​ച്ച്​ ​വീ​ഴ്ത്തു​ക​യാ​യി​രു​ന്നു.​ സംഭവത്തിന് ശേഷം പുറത്ത് പോയ സുനിൽകുമാർ രാത്രി മടങ്ങിയെത്തിയപ്പോൾ സാവിത്രി അമ്മ നിലത്ത് ബോധരഹിതയായി കിടക്കുകയായിരുന്നു. ​മരിച്ചെന്ന് കരുതി രാത്രി പത്ത് മണിയോടെ സുഹൃത്തായ കുട്ടനെ വിളിച്ചുവരുത്തി വീടിന്റെ പുറക് വശത്ത് കുഴിച്ചിടുകയായിരുന്നു. ​

സാവിത്രി അമ്മയെ കാണാനില്ലെന്ന് കാട്ടി മകൾ ലാലി നൽകിയ പരാതിയുടെ അടിസ്ഥാനത്തിൽ നടത്തിയ അന്വേഷണത്തിലാണ് സംഭവം പുറത്തു വന്നത്. കൊലപാതകം നടന്ന് 40 ദിവസങ്ങൾക്ക് ശേഷം ഈ ഞായറാഴ്ചയാണ് മൃതദേഹം പുറത്തെടുത്തത്.