എഴുകോൺ: നെടുമൺകാവിൽ പൊലീസ് എയ്ഡ് പോസ്റ്റ് പ്രവർത്തനം ആരംഭിച്ചു. എയ്ഡ് പോസ്റ്റിന്റെ പ്രർത്തനോദ്ഘാടനം അഡ്വ. ഐഷാപോറ്റി എം.എൽ.എ നിർവഹിച്ചു. കൊല്ലം റൂറൽ ജില്ലാ എസ്.പി ഹരിശങ്കർ അദ്ധ്യക്ഷത വഹിച്ചു. ആദ്യ ഘട്ടത്തിൽ രണ്ടു പൊലീസ് ഉദ്യോഗസ്ഥരുടേയും രണ്ട് എ.ആർ പൊലീസ് സേനാംഗങ്ങളുടെയും സേവനം ലഭ്യമാകും. പരാതികൾ സ്വീകരിക്കൽ, അതിന്മേലുള്ള അന്വേഷണം, ഗതാഗത നിയന്ത്രണം, പാർക്കിംഗ് ക്രമീകരണം തുടങ്ങിയ സേവനങ്ങൾ ഇവിടെ നിന്നും ജനങ്ങൾക്ക് ലഭ്യമാകുമെന്ന് കൊല്ലം റൂറൽ ജില്ലാ എസ്.പി ഹരിശങ്കർ അറിയിച്ചു. കൊട്ടാരക്കര ഡിവൈ.എസ്.പി എസ്. നാസറുദ്ദീൻ, എഴുകോൺ എസ്.എച്ച്.ഒ ശിവപ്രകാശ്, ജനപ്രതിനിധികൾ, വ്യാപാരി വ്യവസായികൾ, ഓട്ടോറിക്ഷ, ബസ് തൊഴിലാളികൾ തുടങ്ങിയവർ പങ്കെടുത്തു. കരീപ്ര ഗ്രാമപ ഞ്ചായത്ത് പ്രസിഡന്റ് കെ. അബ്ദുൾ റഹ്മാൻ സ്വാഗതവും സംഘാടകസമിതി അംഗം ജി. ഗാനപ്രീയൻ നന്ദിയും പറഞ്ഞു.