കു​ണ്ട​റ: മഴയ്ക്ക് ശമനമുണ്ടായിട്ടും മൺ​റോ​തു​രു​ത്തിലെ ജ​ല​നി​ര​പ്പ് ഉ​യ​രു​ന്നു. പ്രദേശത്ത് ഇ​ന്ന​ലെ ഒ​രു​ വീ​ടു​കൂ​ടി ത​കർ​ന്നു. കി​ട​പ്രം ​തെ​ക്ക് ചാ​പ്രാ​യിൽ അ​ഴ​കേ​ശ​ന്റെ വീ​ടാ​ണ് ത​കർ​ന്ന​ത്. ഇ​തോ​ടെ ര​ണ്ട് ദി​വ​സ​ങ്ങൾ​ക്കു​ള്ളിൽ മൺ​റോ​തു​രു​ത്തിൽ ത​കർ​ന്ന വീ​ടു​ക​ളു​ടെ എ​ണ്ണം മൂ​ന്നാ​യി. മൺ​റോ​തു​രു​ത്തി​ലെ താ​ഴ്​ന്ന പ്ര​ദേ​ശ​ങ്ങ​ളി​ലെ​ല്ലാം വെ​ള്ളം ​ക​യ​റിയിരിക്കുകയാണ്. ഇ​രു​ന്നൂ​റി​ല​ധി​കം വീ​ടു​കൾ ഒ​റ്റ​പ്പെ​ട്ട നി​ല​യി​ലാ​ണ്.

ക​ല്ല​ട​യാ​റി​ലെ ജ​ല​നി​ര​പ്പ് ഉ​യ​രു​ന്ന​തും വേ​ലി​യേ​റ്റം ശ​ക്തി ​പ്രാ​പി​ച്ച​തു​മാ​ണ് മൺറോതുരുത്തിൽ വെള്ളക്കെട്ട് ഉയരാൻ കാരണം. വെ​ള്ള​പ്പൊ​ക്ക​ ബാ​ധി​ത പ്ര​ദേ​ശ​ങ്ങ​ളും ത​കർ​ന്ന വീ​ടു​ക​ളും ഇന്നലെ കോ​വൂർ കു​ഞ്ഞു​മോൻ എം.എൽ.എ സ​ന്ദർ​ശി​ച്ചു. ഗ്രാ​മ​പ​ഞ്ചാ​യ​ത്ത് പ്ര​സി​ഡന്റും പ​ഞ്ചാ​യ​ത്ത് അം​ഗ​ങ്ങ​ളും എം.എൽ.എയ്‌​ക്കൊ​പ്പ​മു​ണ്ടാ​യി​രു​ന്നു. ഗ്രാ​മ​പ​ഞ്ചാ​യ​ത്ത് പ്ര​സി​ഡന്റി​ന്റെ ചേ​മ്പ​റിൽ ചേർ​ന്ന അ​വ​ലോ​ക​ന​ യോ​ഗ​ത്തിൽ റ​വ​ന്യൂ, ആ​രോ​ഗ്യം, കൃ​ഷി, മൃ​ഗ​സം​ര​ക്ഷ​ണ വ​കു​പ്പു​ക​ളി​ലെ ഉ​ദ്യോ​ഗ​സ്ഥർ പ​ങ്കെ​ടു​ത്തു.