കൊ​ല്ലം: കു​ണ്ട​റ അ​ലിൻ​ഡ് ഫാ​ക്ട​റി​യു​ടെ കു​ടി​ശ്ശി​ക​യാ​യ ​ ഭൂ​നി​കു​തി​യും വൈ​ദ്യു​തി ചാർ​ജ്ജും പ്രാ​യോ​ഗി​ക​മാ​യി ക​ണ​ക്കെ​ടു​ത്ത് ഫാ​ക്ട​റി​യു​ടെ തു​ടർ പ്ര​വർ​ത്ത​നം ഉറപ്പാക്കുമെന്ന് മ​ന്ത്രി ജെ.മേ​ഴ്‌​സി​ക്കു​ട്ടി അ​മ്മ അ​റി​യി​ച്ചു. പ്രവർത്തനം വി​പു​ലീകരിക്കുമെന്നും മന്ത്രി പറഞ്ഞു.
അ​ലിൻ​ഡ് ഫാ​ക്ട​റി പ്ര​തി​നി​ധി​ക​ളു​മാ​യി സെ​ക്ര​ട്ടേറി​യ​റ്റിൽ ന​ട​ത്തി​യ ചർ​ച്ച​യു​ടെ അ​ടി​സ്ഥാ​ന​ത്തി​ലാ​ണ് തീ​രു​മാ​നം.
ഭൂ​നി​കു​തി​യാ​യും, പാ​ട്ടം തു​ക​യാ​യും, വൈ​ദ്യു​തി ചാർ​ജ്ജ് കു​ടി​ശ്ശി​ക​യാ​യും വ​ലി​യ തു​കയാണ് ചുമത്തിയിരിക്കുന്നത്. വർ​ഷ​ങ്ങ​ളാ​യി ഫാ​ക്ട​റി അ​ട​ഞ്ഞു കി​ട​ക്കു​ക​യാ​യി​രു​ന്നു. ഇ​ക്കാ​ല​ത്തും നി​കു​തി നി​ര​ക്കു​ക​ളും, വൈ​ദ്യു​തി ചാർ​ജ്ജും ഫാ​ക്ട​റി പ്ര​വർ​ത്തി​ക്കു​ന്ന അ​തേ നി​ര​ക്കിൽ ത​ന്നെ​യാ​ണ് ക​ണ​ക്കാ​ക്കി​യിരിക്കുന്നത്.
പ്ര​വർ​ത്തി​ക്കാ​ത്ത കാ​ല​യ​ള​വി​ലെ നി​കു​തി​ക​ളും വൈ​ദ്യു​തി ചാർ​ജ്ജും ഒ​ഴി​വാ​ക്കി പ്ര​വർ​ത്തി​ക്കു​ന്ന കാ​ല​ഘ​ട്ടം മാ​ത്രം ക​ണ​ക്കി​ലെ​ടു​ത്ത് കു​ടി​ശ്ശി​ക നിർ​ണ്ണ​യി​ക്കു​ന്ന കാ​ര്യം പ​രി​ശോ​ധി​ക്കാ​നാ​ണ് ബ​ന്ധ​പ്പെ​ട്ട വ​കു​പ്പു​ക​ളോ​ട് ആ​വ​ശ്യ​പ്പെ​ട്ടി​രിക്കുന്നത്.
കു​ടി​ശ്ശി​ക തു​ക ത​വ​ണ​ക​ളാ​യി അ​ട​യ്​ക്കു​ന്ന​തി​നു​ള്ള ന​ട​പ​ടി​ക​ളും ബ​ന്ധ​പ്പെ​ട്ട വ​കു​പ്പു​കൾ മു​ഖേ​ന സ്വീ​ക​രി​ക്ക​ണ​മെ​ന്ന് മ​ന്ത്രി നിർ​ദ്ദേ​ശി​ച്ചു.
ലാൻ​ഡ് റ​വ​ന്യൂ ക​മ്മിഷ​ണർ സി.എ. ല​ത, അ​ലിൻ​ഡ് ഡ​യ​റ​ക്ടർ കെ.വി. റാ​വു, ടെ​ക്‌​നി​ക്കൽ അ​ഡ്വൈ​സർ ഒ.സി.ചെ​റി​യാൻ, ഡി​വി​ഷ​ണൽ ചീ​ഫ് എ​ക്‌​സി​ക്യൂ​ട്ടീ​വ് ആർ.ശ്രീ​കു​മാർ, കെ.ജ​യ​കു​മാർ, റ്റി.ബി​നു, ബേ​ബി ഓ​സ്റ്റിൻ, ജെ.ബെൻ​സി മ​റ്റ് റ​വ​ന്യൂ ഉ​ദ്യോ​ഗ​സ്ഥർ എ​ന്നി​വർ യോ​ഗ​ത്തിൽ പ​ങ്കെ​ടു​ത്തു.