അഞ്ചൽ: നാലുവയസുകാരിയെ ലൈംഗീകമായി പീഡിപ്പിച്ച കേസിൽ അഞ്ചൽ പടിഞ്ഞാറ്റിൻകര ആൻസി ഭവനിൽ ഹാരിസ് എബ്രാഹാം അറസ്റ്റിലായി. കുട്ടി അസ്വസ്ഥത പ്രകടിപ്പിച്ചതിനെത്തുടർന്ന് ആശുപത്രിയിൽ നടത്തിയ പരിശോധനയിലാണ് പീഡനം വ്യക്തമായത്. ആശുപത്രി അധികൃതർ ചൈൽഡ് ലൈനിൽ വിവരം അറിക്കുകയായിരുന്നു. ചൈൽഡ് ലൈൻ കേസ് അഞ്ചൽ പൊലീസിന് മാറിയതിനെ തുടർന്നാണ് ഹാരിസ് പിടിയിലായത്.

കഴിഞ്ഞ ഓണാവധിക്ക് ബന്ധുകൂടിയായ ഹാരിസിന്റെ വീട്ടിൽ എത്തിയപ്പോഴാണ് പീഡിപ്പിച്ചത്.

അഞ്ചൽ സി.ഐ. സി.എൽ സുധീറിന്റെ നേതൃത്വത്തിൽ അറസ്റ്റുചെയ്ത പ്രതിയെ ലൈംഗീക അതിക്രമം, പോക്സോ വകുപ്പുകൾ ചുമത്തി കോടതിയിൽ ഹാജരാക്കി റിമാൻഡ് ചെയ്തു