കൊല്ലം: ബാസ്‌ക്കറ്റ് ബോൾ അസോസിയേഷന്റെയും ക്വയിലോൺ അത്‌ലറ്റിക് ക്ലബിന്റെയും സംയുക്താഭിമുഖ്യത്തിൽ ജില്ലാ സീനിയർ ഡിവിഷൻ ബാസ്‌ക്കറ്റ്‌ബോൾ ചാമ്പ്യൻഷിപ്പിന്റെ പുരുഷ വിഭാഗത്തിൽ ക്യു.എ.സി ഒന്നാം സ്ഥാനവും വൈ.എം.സി.എ രണ്ടാം സ്ഥാനവും അമൃത സ്‌കൂൾ ഓഫ് എൻജിനീയറിംഗ് മൂന്നാം സ്ഥാനവും നേടി.
വനിതാ വിഭാഗത്തിൽ സെൻട്രലൈസഡ് സ്‌പോർട്ട്സ് ഹോസ്റ്റൽ ഒന്നാം സ്ഥാനവും അമൃത സ്‌കൂൾ ഓഫ് എൻജിനീയറിംഗ് രണ്ടാം സ്ഥാനവും നേടി.
ക്യു.എ.സി ഫ്ളഡ് ലിറ്റ് കോർട്ടിൽ നടന്ന മത്സര വിജയികൾക്ക് ജില്ലാ സ്‌പോർട്ട്സ് കൗൺസിൽ പ്രസിഡന്റ് എക്സ്. ഏണസ്റ്റ് ട്രോഫികൾ വിതരണം ചെയ്തു. ക്യു.എ.സി സെക്രട്ടറി, ജി. രാജ്‌മോഹൻ, ടോം ജോർജ്ജ്, ഡി. ഷാജു, എസ്. ലാലു തുടങ്ങിയവർ സംസാരിച്ചു.