തൃശൂർ: ​കെ.​എ​സ്.​ആ​ർ.​ടി.​സി​യി​ലെ​ ​ ​താ​ത്കാലി​ക​ ​ഡ്രൈ​വ​ർ​മാ​രെ​ ​ഹൈ​ക്കോ​ട​തി​ ​ഉ​ത്ത​ര​വ് ​പ്ര​കാ​രം പി​രി​ച്ചു​വി​ട്ടതോടെ സർവീസുകൾ മുടങ്ങിയതിനെ തുടർന്ന് ജില്ലയിലെ ഹ്രസ്വദൂര യാത്രക്കാർ പെരുവഴിയിലായി. തൃശൂർ ഡിപ്പോയിൽ മാത്രം കൊടുങ്ങല്ലൂർ ഭാഗത്തേക്കുളള മൂന്ന് ഷെഡ്യൂളുകളാണ് മുടങ്ങിയത്. മൂന്ന് ബസുകൾ ഓടാതിരുന്നതിനാൽ യാത്രാദുരിതവും രൂക്ഷമായി. ​ക്ളേ​ശം​ ​പ​രി​ഹ​രി​ക്കു​ന്ന​തി​ന് മു​ന്നൊ​രു​ക്ക​മൊ​ന്നും​ ​ന​ട​ത്തിയില്ലെന്ന ആക്ഷേപവുമുണ്ട്.

അ​വ​ധി​ ​ക​ഴി​ഞ്ഞു​ള്ള​ ​ദി​വ​സ​മാ​യ​തി​നാ​ൽ​ ​കെ.​എ​സ്.​ആ​ർ.​ടി.​സി​യെ​ ​ആ​ശ്ര​യി​ക്കു​ന്ന​ ​യാ​ത്ര​ക്കാ​ർ ഏറെയുണ്ടായിരുന്നു ഇന്നലെ. ഡ്രൈ​വ​ർ​മാ​രി​ല്ലാ​ത്ത​തി​നാ​ൽ​ ​ഓ​ർ​ഡി​ന​റി​ ​ ​സ​ർ​വീ​സു​ക​ളാണ്​ ​ത​ടസ​പ്പെ​ട്ടത്. അതേസമയം, ഏറെ താത്കാലിക ഡ്രൈവർമാരുളള തെക്കൻ ജില്ലകളിൽ നിന്നുള്ള സർവീസുകളും മുടങ്ങി. ഹൈ​ക്കോ​ട​തി​ ​ഉ​ത്ത​ര​വി​നെ​ ​തു​ട​ർ​ന്ന് ​കെ.​എ​സ്.​ആ​ർ.​ടി.​സി​ ​നേ​ര​ത്തേ​ ​പു​റ​ത്താ​ക്കി​യ​ ​എം പാ​ന​ൽ​ ​ഡ്രൈ​വ​ർ​മാ​രെ​ ​പി​ന്നീ​ട് ​ദി​വ​സ​ക്കൂ​ലി​ക്കാ​രാ​യി​ ​തി​രി​ച്ചെ​ടു​ത്തി​രു​ന്നു.​ ​യാ​ത്രാ​ക്ളേ​ശം​ പരിഗണിച്ചായിരുന്നു​ ​ഇ​ത്.​ ​ഈ​ ​ന​ട​പ​ടി​ ​കോ​ട​തി​യ​ല​ക്ഷ്യ​മാ​ണെ​ന്ന് ​ചൂ​ണ്ടി​ക്കാ​ട്ടി ന​ൽ​കി​യ​ ​ഹ​ർ​ജി​യി​ലാ​ണ് ​വീ​ണ്ടും​ ​കോ​ട​തി​യു​ടെ​ ​ക​ർ​ശ​ന​ ​ഇ​ട​പെ​ട​ലു​ണ്ടാ​യ​ത്. താ​ത്​കാലി​കക്കാരെ ​ഒ​ഴി​വാ​ക്കി​ സ​ത്യ​വാ​ങ്മൂ​ലം​ ​ന​ൽ​ക​ണ​മെ​ന്നാ​യിരുന്നു ഉ​ത്ത​ര​വ്. ഹൈ​ക്കോ​ട​തി​ ​ഇ​ട​പെ​ട്ട​തോ​ടെ​ ​താത്​കാലി​ക​ ​ഡ്രൈ​വ​ർ​മാ​രെ​ ​ഉ​പ​യോ​ഗി​ച്ച് ​ മു​ന്നോ​ട്ടു​പോ​കാ​നാ​കി​ല്ലെ​ന്ന് അറിഞ്ഞിട്ടും ​ബ​ദ​ൽ​ ​ന​ട​പ​ടി​ക​ൾ എടുക്കാതിരുന്നതാണ് സ്ഥിതി ഗുരുതരമാക്കിയത്.

ശമ്പളം വൈകി, ഡി.എ കിട്ടിയില്ല

അതേസമയം, ഈ മാസം ശമ്പളം കിട്ടാത്തതിലും ഡി.എ നൽകാത്തതിലും കെ.എസ്.ആർ.ടി.സി ജീവനക്കാരുടെ പ്രതിഷേധവും ഉയരുന്നുണ്ട്. ലോണും മറ്റും കൃത്യസമയത്ത് അടയ്ക്കാനാവാതെ ജീവനക്കാർ കഷ്ടപ്പെടുകയാണ്. മുൻ മാസങ്ങളിൽ ഒരാഴ്ച കഴിഞ്ഞാണ് ശമ്പളം ലഭിച്ചത്. ഇത് സംബന്ധിച്ച് പരാതികൾ നൽകിയിട്ടും സാമ്പത്തിക പ്രതിസന്ധി ചൂണ്ടിക്കാണിച്ച് സർക്കാർ കൈയൊഴിയുകയാണെന്ന് ജീവനക്കാർ പറയുന്നു. മറ്റ് സേവന മേഖലകളിലൊന്നും ഇത്തരം പ്രശ്നങ്ങളില്ലെന്നാണ് അവർ ചൂണ്ടിക്കാട്ടുന്നത്.

ഡി.എ
മൂന്ന് വർഷമായി ലഭിച്ചില്ല

കിട്ടാനുളളത് 32 %

ആറ് ഗഡുക്കൾ

ആകെ നൽകിയത് ആറ് %

പെർമിറ്റ് ഉണ്ടായിട്ടും ബംഗളൂരു ബസില്ല

ഒന്നര വർഷം മുൻപ് വരെ തൃശൂരിൽ നിന്നും പുറപ്പെടുന്ന സേലം വഴിയുള്ള രണ്ട് ബംഗളൂരു ബസുകൾ ഉണ്ടായിരുന്നു. ഇതിൽ ഒന്നിൻ്റെ പെർമിറ്റ്, പത്തനംതിട്ടയിൽ നിന്നും പുതിയ സർവീസിന് വേണ്ടി പിൻവലിച്ചു. അത് ഇന്നേവരെ പുനഃസ്ഥാപിച്ചിട്ടില്ല.

അന്തർസംസ്ഥാന കരാർ നിലവിൽ വരുമ്പോൾ സർവീസ് തുടങ്ങുമെന്നാണ് അധികൃതർ പറഞ്ഞിരുന്നത്. എന്നാൽ അന്തർ സംസ്ഥാന കരാർ നിലവിൽ വന്നിട്ടും ഒന്നും നടന്നില്ലെന്നാണ് ആക്ഷേപം. തൃശൂരിൽ നിന്നും ഈ വണ്ടി പുനഃസ്ഥാപിക്കാൻ അധികൃതർ തയ്യാറാവാത്തത് സ്വകാര്യബസുകളെ സഹായിക്കാൻ വേണ്ടിയാണെന്ന ആരോപണവുമുണ്ട്. നിലവിലുള്ള രണ്ട് ബംഗളൂരു ബസുകളിലും വൻ തിരക്കാണുള്ളത്.

'' താൽക്കാലിക ഡ്രൈവർമാരില്ലാത്തത് ജില്ലയിലെ യാത്രക്കാരെ കാര്യമായി ബാധിച്ചിട്ടില്ല. ബംഗളരു ബസ് പുനഃസ്ഥാപിക്കാനുളള ശ്രമങ്ങൾ നടക്കുന്നുണ്ട്. ''

-കെ.ടി. സെബി, ഡി.ടി.ഒ, തൃശൂർ