കാട്ടാക്കട: മദ്യലഹരിയിൽ വീട്ടിൽ ബഹമുണ്ടാക്കിയ സഹോദരൻമാർ തമ്മിൽത്തല്ലി. ഒരാൾക്ക് ഗുരുതര പരിക്ക്. പൂവച്ചൽ ഉണ്ടാപ്പറ വട്ടകൈത വീട്ടിൽ ഗോപാലൻ-കൃഷ്ണമ്മ ദമ്പതികളുടെ മകൻ കണ്ണപ്പൻ എന്ന വിനോദി (38)നാണ് സഹോദരൻ റജിയുടെ മർദ്ദനത്തിൽ തലയ്ക്ക് ഗുരുതര പരിക്കേറ്റത്. ഇയാളെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

സംഭവത്തെപ്പറ്റി കാട്ടാക്കട പൊലീസ് പറയുന്നത് : മദ്യപിച്ച് വീട്ടിലെത്താറുള്ള വിനോദ് ബഹളമുണ്ടാക്കി സഹോദരങ്ങളെ മർദ്ദിക്കുക പതിവാണ്. ഞായറാഴ്ചയും രാത്രി ഒരുമണിയോടെ വിനോദ് വഴക്കുണ്ടാക്കി. ഇതേ തുടർന്ന് സഹോദരൻ റജി തടിക്കഷണം എടുത്ത് അടിക്കുകയായിരുന്നു. തിങ്കളാഴ്ച രാവിലെ അസ്വസ്ഥത തോന്നിയ വിനോദിനെ ആശുപത്രിയിൽ പ്രവേശിപ്പിച്ചു. തലയിൽ രക്തം കട്ട പിടിച്ചതിനാൽ അപകടനില തരണം ചെയ്തിട്ടില്ലെന്ന് പൊലീസ് അറിയിച്ചു. റജിയുടെ പേരിൽ കേസെടുത്തു.