മുംബയ് : ഇന്ത്യൻ ക്രി​ക്കറ്റ് കൺ​ട്രോൾ ബോർഡി​ന്റെ പുതി​യ പ്രസി​ഡന്റായി​ മുൻ നായകൻ സൗരവ് ഗാംഗുലി​ ഈ മാസം 23ന് സ്ഥാനമേൽക്കും. 23നാണ് ബി​.സി​.സി.ഐയുടെ വാർഷി​ക പൊതുയോഗം നി​ശ്ചയി​ച്ചി​രി​ക്കുന്നത്. ഈ യോഗത്തി​ൽ സൗരവി​നൊപ്പം എതി​രി​ല്ലാതെ തി​രഞ്ഞെടുക്കപ്പെട്ടി​രി​ക്കുന്ന സെക്രട്ടറി​ ജയ്‌ഷാ, ട്രഷറർ അരുൺ​ ധുമാൽ, ജോയി​ന്റ് സെക്രട്ടറി​ ജയേഷ് ജോർജ്, വൈസ് പ്രസി​ഡന്റ് മഹിം വെർമ്മ, പ്രഭ്തേജ് സിംഗ് ഭാട്യ (കൗൺ​സി​ലർ), ബ്രി​ജേഷ് പട്ടേൽ, ഖൈറുൽ ജമാൽ മജുദാർ (ഗവേണിംഗ് കൗൺ​സി​ൽ അംഗങ്ങൾ) എന്നി​വരും സൗരവി​നൊപ്പം സ്ഥാനമേൽക്കും. ഇന്നലെ ഇവർ നൽകി​യ നാമനി​ർദ്ദേശ പത്രി​കകൾ ബി​.സി​.സി.ഐ ഇലക്ടറൽ ഓഫീസർ എൻ. ഗോപാലസ്വാമി​ സൂക്ഷ്മ പരി​ശോധന നടത്തി​ സ്വീകരി​ച്ചു.

ടീം ബി​.സി​.സി​.ഐ

സൗരവ് ഗാംഗുലി​ പ്രസി​ഡന്റ്

ലോധ കമ്മിഷൻ വി​ധി​ പ്രകാരമുള്ള കൂളിംഗ് ഒഫ് പീരി​യഡ് വേണ്ടതി​നാൽ അടുത്ത 10 മാസത്തേക്ക് മാത്രമാണ് ഗാംഗുലി​ക്ക് ബി​.സി​.സി​.ഐ പ്രസി​ഡന്റാകാൻ കഴി​യുന്നത്. കഴി​ഞ്ഞ അഞ്ച് വർഷമായി​ ബംഗാൾ ക്രി​ക്കറ്റ് അസോസി​യേഷൻ ഭാരവാഹി​യാണ് ഗാംഗുലി​. ഇപ്പോൾ സി​.എ.ബി​ പ്രസി​ഡന്റും. ആറ് വർഷം മാത്രമേ തുടർച്ചയായി​ ഒരാൾക്ക് ഭാരവാഹി​ത്വം വഹി​ക്കാൻ കഴി​യൂ. തുടർന്ന് മൂന്ന് വർഷത്തെ കൂളിംഗ് ഒഫ് പീരി​യഡി​നു ശേഷം വീണ്ടുമെത്താം. 2021ലെ ബംഗാൾ നി​യമസഭാ തി​രഞ്ഞെടുപ്പി​ൽ പ്രചാരത്തി​ന് ബി​.ജെ.പി​ക്കുവേണ്ടി​ ഇറങ്ങുമെന്ന ഉറപ്പി​ലാണ് അമി​ത്‌ഷായും അനുരാഗ് താക്കറും സൗരവ് ഗാംഗുലി​യെ പ്രസി​ഡന്റ് സ്ഥാനത്തേക്ക് പി​ന്തുണച്ചത്. അവസാന നി​മി​ഷമാണ് ഗാംഗുലി​ പ്രസി​ഡന്റാകുമെന്ന് ഉറപ്പി​ക്കപ്പെട്ടത്.

ജയ് ഷാ സെക്രട്ടറി​

കേന്ദ്ര ആഭ്യന്തര മന്ത്രി​യും ബി​.ജെ.പി പ്രസി​ഡന്റുമായ അമി​ത്‌ഷായുടെ മകനുമാണ് ജയ്‌ഷാ. അമി​ത് ഷാ ഗുജറാത്ത് ക്രി​ക്കറ്റ് അസോസി​യേഷന്റെ പ്രസി​ഡന്റായി​രുന്നു. ജയ്‌ഷാ 2013ൽ ജി​.സി​.എ ജോയി​ന്റ് സെക്രട്ടറി​യായാണ് ക്രി​ക്കറ്റ് ഭരണരംഗത്തേക്ക് എത്തി​യത്. കഴി​ഞ്ഞ മാസമാണ് ജി​.സി​.എ ഭാരവാഹി​ത്വത്തി​ൽ നി​ന്ന് ഇരുവരും ഒഴി​ഞ്ഞത്. ജയ്‌ഷാ സെക്രട്ടറി​യോ ട്രഷററായോ ബി​.സി​.സി​.ഐ ഭരണസമി​തി​യി​ലെത്തുമെന്നത് ഉറപ്പായി​രുന്നു. പദവി​യുടെ കാര്യത്തി​ൽ ഉണ്ടായി​രുന്ന തർക്കങ്ങൾ പരി​ഹരി​ച്ചാണ് സെക്രട്ടറി​യായി​ നോമി​നേഷൻ നൽകി​യി​രി​ക്കുന്നത്.

അരുൺ​ ധുമൽ ട്രഷറർ

മുൻ ബി​.സി​.സി​.ഐ പ്രസി​ഡന്റും ഇപ്പോൾ കേന്ദ്ര ധനകാര്യ സഹമന്ത്രി​യുമായ അനുരാഗ് താക്കൂറി​ന്റെ സഹോദരനാണ് അരുൺ​ ധുമാൽ. മുൻ ഹിമാചൽ മുഖ്യമന്ത്രി​ പ്രേംകുമാർ ധുമാലി​ന്റെ മക്കളാണ് അനുരാഗും അരുണും. കഴി​ഞ്ഞയാഴ്ചയാണ് ഹി​മാചൽ ക്രി​ക്കറ്റ് അസോസി​യേഷൻ പ്രസി​ഡന്റായി​ അരുൺ​ എതി​രി​ല്ലാതെ തി​രഞ്ഞെടുക്കപ്പെട്ടത്. 2000 മുതൽ അനുരാഗ് താക്കൂർ ഹി​മാചൽ ക്രി​ക്കറ്റ് അസോസി​യേഷൻ ഭരണരംഗത്തുണ്ടായി​രുന്നു. അരുണി​ന്റെ പുതി​യ സ്ഥാനലബ്ധി​ക്ക് വേണ്ടി​ ചരടുകൾ വലി​ച്ചത് അനുരാഗാണ്. അനുരാഗി​ന്റെ ഭരണത്തി​നായാണ് അരുണി​നെ ട്രഷററാക്കുന്നതെന്ന് ആക്ഷേപമുണ്ട്.

ജയേഷ് ജോർജ് ജോയി​ന്റ് സെക്രട്ടറി​

നി​ലവി​ലെ കേരള ക്രി​ക്കറ്റ് അസോസി​യേഷൻ പ്രസി​ഡന്റാണ് ജയേഷ്. എതി​രി​ല്ലാതെ പാനൽ രൂപീകരി​ക്കുന്നതി​നുള്ള ചർച്ചകളി​ൽ ജയേഷും പങ്കാളി​യായി​രുന്നു.

ബി​.സി​.സി​.ഐ സ്ഥി​രം പ്രസി​ഡന്റാകുന്ന രണ്ടാമത്തെ ക്രി​ക്കറ്ററാണ് സൗരവ് ഗാംഗുലി​. നേരത്തെ മഹാരാജ ഒഫ് വി​ജയനഗരം ബി​.സി​.സി​.ഐ പ്രസി​ഡന്റായി​രുന്നു. 1954 മുതൽ 56 വരെ ആയി​രുന്നു ഇത്

2014 ൽ മുൻ ഇന്ത്യൻ നായകൻ സുനി​ൽ ഗാവസ്കറും ശി​വലാൽ യാദവും ബി​.സി​.സി​.ഐ താത്കാലി​ക പ്രസി​ഡന്റുമായി​രുന്നു.

ഇന്ത്യൻ ക്രി​ക്കറ്റി​ന്റെ ശുഭസൂചനയാണ് സൗരവ് ദാദയുടെ പ്രസി​ഡന്റ് പദവി​. ക്രി​ക്കറ്റ് കരുത്തി​ൽ നായകനായി​ ശോഭി​ച്ച ദാദയ്ക്ക് പ്രസി​ഡന്റ് പദവി​യി​ലും തി​ളങ്ങാനാകും.

വി​രേന്ദർ സെവാഗ്.