നെയ്യാ​റ്റിൻകര: പ്രമുഖ നാടക നടൻ മുളളറവിള ശാസ്താ ഭവനിൽ കാട്ടാക്കട മുരുകൻ (63) നിര്യാതനായി. 1973 ൽ കലോപാസനയുടെ കൊടുങ്കാ​റ്റ് എന്ന നാടകത്തിലൂടെയാണ് പ്രൊഫഷണൽ നാടക രംഗത്തെത്തിയത്. 150 ലെറെ അവാർഡുകൾ വാങ്ങിയിട്ടുള്ള ഇദ്ദേഹം വിദ്യാർത്ഥിയായിരിക്കുമ്പോൾ തന്നെ കഥാപ്രസംഗ വേദിയിലെത്തിയിരുന്നു.9 വർഷത്തിനിടെ 500 വേദികളിൽ കഥപറഞ്ഞു. ആകാശവാണിയിൽ നാടക ആർട്ടിസ്​റ്റായിരുന്നു.ഭാര്യ കുമാരി സുമം നെയ്യാ​റ്റിൻകര മുനിസിപ്പൽ കൗൺസിലറായിരുന്നു. മക്കൾ അക്ഷയപ്രഭു, മാനസപ്രഭു. സംസ്‌കാരം ഇന്ന് രാവിലെ പതിനൊന്നിന് വീട്ടുവളപ്പിൽ. രാവിലെ 8.30 ന് പരേതന്റെ ജന്മ സ്ഥലമായ കാട്ടാക്കട കുരുതംകോടിന് സമീപം റൈസിംഗ് സ്​റ്റാർ ഗ്റന്ഥശാലയിൽ പൊതുദർശനത്തിന് വയ്ക്കും.