തിരുവനന്തപുരം: സംസ്ഥാനത്ത് ഇക്കൊല്ലം എൻജിനീയറിംഗ് കോഴ്‌സിന് ചേർന്ന വിദ്യാർഥികളുടെ എണ്ണത്തിൽ വർദ്ധന. കഴിഞ്ഞ വർഷം 50 ശതമാനം സീ​റ്റുകളിലാണ് പ്രവേശനം നടന്നതെങ്കിൽ, ഇക്കൊല്ലം അത്
57.9 ശതമാനമായി ഉയർന്നു

സാങ്കേതിക സർവകലാശാലയ്ക്ക് കീഴിലെ എൻജിനീയറിംഗ് കോളജുകളിൽ ആകെയുള്ള 47268 സീ​റ്റുകളിൽ 27345 എണ്ണത്തിലേക്കും ഇത്തവണ വിദ്യാർഥികളെത്തി. കഴിഞ്ഞ വർഷം 50051 സീ​റ്റുകളിൽ 25488 എണ്ണത്തിലായിരുന്നു പ്രവേശനം . മൊത്തം സീ​റ്റുകളുടെ എണ്ണത്തിൽ കുറവ് വന്നിട്ടും . കഴിഞ്ഞ വർഷത്തെ അപേക്ഷിച്ച് 1857 വിദ്യാർഥികൾ ഇത്തവണ കൂടുതലായി പ്രവേശനം നേടി.മെറി​റ്റ് സീ​റ്റുകളിലാണ് കൂടുതൽ പേർ ചേർന്നത്. ഒഴിവുള്ള സീ​റ്റുകളുടെ എണ്ണം 20398 ആയി കുറഞ്ഞു. കഴിഞ്ഞ വർഷം 24563 സീ​റ്റുകളാണ് ഒഴിവുണ്ടായിരുന്നത്.

സ്വാശ്രയ കോളേജുകളിൽ 50 ശതമാനത്തോളം മെറി​റ്റ് സീ​റ്റുകൾ ഒഴിവാണ്. ഏ​റ്റവും കൂടുതൽ വിദ്യാർത്ഥികൾ പ്രവേശനം നേടിയത് കമ്പ്യൂട്ടർ സയൻസിൽ. ഒരു വിദ്യാർത്ഥി പോലും പ്രവേശനം നേടാത്ത നാല് കോളേജുകളുണ്ട്. കഴിഞ്ഞ വർഷം ഇത് ആറെണ്ണമായിരുന്നു.