കിളിമാനൂർ: സി.പി.എം കിളിമാനൂർ ഏരിയാകമ്മറ്റിയുടെ നേതൃത്വത്തിൽ പ്രവർത്തിക്കുന്ന സാന്ത്വന പരിചരണ കൂട്ടായ്മയായ കെ.എം. ജയദേവൻമാസ്റ്റർ സ്മാരക പെയിൻ ആൻഡ് പാലിയേറ്റീവ് കെയർ സൊസൈറ്റിയുടെ പാലിയേറ്റീവ് പ്രവർത്തനങ്ങൾക്കായി സംഭാവന നൽകി. കെ.എസ്.ടി.എ മുൻ ജനറൽസെക്രട്ടറിയും സൊസൈറ്റി സെക്രട്ടറിയുമായ എം. ഷാജഹാന്റെ പിതാവ് മുഹമ്മദ് മുസ്തഫയുടെ 4-ാമത് ചരമവാർഷികത്തിന്റെ ഭാ​ഗമായാണ് സംഭാവന വിതരണം നടന്നത്. ഷാജഹാന്റെ മാതാവ് കെ. റഹുമാബീവി പതിനായിരം രൂപ സൊസൈറ്റി പ്രസിഡന്റ് അഡ്വ. മടവൂർ അനിലിന് കൈമാറി. ചടങ്ങിൽ സൊസൈറ്റി ജോയിന്റ് സെക്രട്ടറി ഡി.സ്മിത, ഭരണസമിതിയം​ഗം അഡ്വ. ഡി. ശ്രീജ, സി .പി . എം ഏരിയാ കമ്മറ്റിയം​ഗങ്ങളായ എം. ഷിബു, ഇ. ഷാജഹാൻ തുടങ്ങിയവർ സംബന്ധിച്ചു. ജീവകാരുണ്യ പ്രവർത്തനങ്ങൾ ഏകോപിപ്പിക്കുന്നതിന്റെ ഭാ​ഗമായി ഇ.കെ. നായനാർ ചാരിറ്റബിൾ ട്രസ്റ്റിന്റെ കിളിമാനൂർ സോണൽ കമ്മറ്റിയായി പ്രവർത്തിക്കുകയാണ് ജയദേവൻമാസ്റ്റർ സ്മാരക സൊസൈറ്റി. കിടപ്പുരോ​ഗികൾക്കായി നിരവധി പദ്ധതിയാണ് സൊസൈറ്റിയുടെ നേതൃത്വത്തിൽ ഒരുങ്ങുന്നത്. സൊസൈറ്റിയുടെ നേതൃത്വത്തിൽ പരിശീലനം സിദ്ധിച്ച വോളണ്ടിയർമാരുടെ സേവനം ​ഗാർഹിക സാന്ത്വന പരിചരണ രം​ഗത്ത് നൽകുന്ന പദ്ധതി ഉടൻ ആരംഭിക്കും. ഇതിന്റെ ഭാ​ഗമായി കേരളപിറവി ദിനത്തിൽ സൊസൈറ്റി ഭാരവാഹികളുടെ നേതൃത്വത്തിൽ കിടപ്പുരോ​ഗികളെ സന്ദർശിക്കും.