തിരുവനന്തപുരം: തിരുവനന്തപുരത്തുനിന്ന് മാലിദ്വീപ്, ചെന്നൈ, മുംബയ് എന്നിവിടങ്ങിളിലേക്ക് സ്‌പൈസ് ജെ​റ്റ് വിമാനക്കമ്പനി പുതിയ സർവീസുകൾ തുടങ്ങും. 27 മുതൽ ദിവസവും രാവിലെ 10.40ന് മുംബയിലേക്ക് 168 സീ​റ്റുകളുള്ള ബോയിംഗ് 737 വിമാനസർവീസും, നവംബർ 20 മുതൽ ദിവസവും ഉച്ചയ്ക്ക് 12.45ന് മാലദ്വീപിലേക്കും വൈകീട്ട് 5.45ന് ചെന്നൈയിലേക്കും 90 സീറ്റുകളുള്ള ബോംബാർഡിയർ ക്യൂ400 എന്ന ചെറുവിമാനസർവീസുമാണ് തുടങ്ങുക. കൂടാതെ

വിസ്താര എയർലൈൻസിന്റെ തിരുവനന്തപുരം-ഡൽഹി സർവീസും 27ന് തുടങ്ങും.

തിരുവനന്തപുരത്തുനിന്ന് കണ്ണൂർ, ഹൈദരാബാദ്, ചെന്നൈ എന്നിവിടങ്ങളിലേക്കുള്ള ഗോ എയർ വിമാനക്കമ്പനിയുടെ സർവീസുകൾ ഉടൻ തുടങ്ങുമെന്ന് വിമാനത്താവള അധികൃതർ അറിയിച്ചു. തിരുവനന്തപുരത്തുനിന്ന് ഡൽഹിയിലേക്കും അവിടെനിന്ന് തിരുവനന്തപുരത്തേക്കുമുള്ള എയർ ഏഷ്യാ വിമാനക്കമ്പനിയുടെ പ്രതിദിന സർവീസുകളും ഉടൻ തുടങ്ങും.