തിരുവനന്തപുരം: സൈന്യത്തിൽ നിന്ന് വിരമിച്ചവരുടെയും ഫാമിലി പെൻഷൻകാരുടെയും പെൻഷൻ സംബന്ധിച്ചുള്ള പരാതികൾ പരിഹരിക്കുന്നതിനായി ചെന്നൈയിലെ കൺട്റോളർ ഒഫ് ഡിഫൻസ് അക്കൗണ്ട്സിന്റെ ആഭിമുഖ്യത്തിൽ സംസ്ഥാന തലത്തിൽ മെഗാ അദാലത്ത് സംഘടിപ്പിക്കുന്നു. 31, നവംബർ 1 തീയതികളിലായി ആലപ്പുഴ ബൈപാസ് റോഡിനടുത്തുള്ള എ.എസ് റോഡിലെ പ്രിൻസ് കൺവെൺഷൻ സെന്ററിൽ നടക്കുന്ന അദാലത്ത് ന്യൂഡൽഹിയിലെ കൺട്രോളർ ജനറൽ ഒഫ് ഡിഫൻസ് അക്കൗണ്ട്സ് സഞ്ജീവ് മി​റ്റൽ ഉദ്ഘാടനം ചെയ്യും.

ദേശസാൽകൃത ബാങ്കുകൾ, ട്രഷറി, പെൻഷൻ വിതരണ കാര്യാലയം എന്നിവ മുഖേന പെൻഷൻ വാങ്ങുന്ന കേരളത്തിലെ വിമുക്ത ഭടൻമാർ, വിരമിച്ച ഡിഫൻസ് സിവിലിയൻ, കമ്മിഷൻഡ് ഓഫീസർമാർ, ഇവരുടെ കുടുംബ, വിധവാ പെൻഷൻ പ​റ്റുന്ന ആശ്രിതർ എന്നിവർക്ക് പെൻഷൻ സംബന്ധിച്ച പരാതിയുണ്ടെങ്കിൽ അദാലത്ത് ഓഫീസിലേക്ക് അയയ്ക്കണം. അപേക്ഷാ ഫോം mw www.cdachennai.nic.in ൽ. അപേക്ഷകൾ അദാലത്ത് ഓഫീസർ, ഓഫീസ് ഒഫ് ദ കൺട്രോളർ ഒഫ് ഡിഫൻസ് അക്കൗണ്ട്സ്, 618, അണ്ണാശാലൈ, തേനാംപേട്ട്, ചെന്നൈ - 600018 വിലാസത്തിൽ അയയ്ക്കണം. അദാലത്തിൽ നേരിട്ടും അപേക്ഷകൾ സമർപ്പിക്കാം. ഡിസ്ചാർജ് ബുക്ക്, PPO/Corr.PPO, ബാങ്ക് പാസ്ബുക്കിന്റെ ആദ്യപേജും 2016 ജനുവരി 1 മുതൽ അപ്‌ഡേ​റ്റ് ചെയ്ത പേജുകൾ, മ​റ്റ് കത്തിടപാടുകൾ എന്നിവയുടെ പകർപ്പും അപേക്ഷയോടോപ്പം സമർപ്പിക്കണം.

ഫോൺ 044-24349980 എക്സ്‌റ്റൻഷൻ:135 (ഫാക്‌സ് : 044-24348142)