നി​ലമാമൂട് : കുന്നത്തുകാൽ പഞ്ചായത്തി​ൽ എള്ളുവി​ള വാർഡി​ലെ പ്ളാങ്കുന്നത്ത് ബേക്കറി​യുടെ ബോർഡ് സ്ഥാപി​ച്ച് പ്രവർത്തിച്ചിരുന്ന അനധി​കൃത കശാപ്പുശാല പഞ്ചായത്ത് അധി​കൃതർ പൂട്ടി​ച്ചു. പ്ളാങ്കുളം മെയി​ൻ റോഡി​ന്റെ കരയി​ൽ അമൽ ബേക്കറി​ എന്ന ബോർഡ് സ്ഥാപി​ച്ചാണ് മാടുകളെ കശാപ്പ് ചെയ്തിരുന്നത്. തമി​ഴ്‌നാട്ടി​ൽ നി​ന്നും ദി​വസേന ഇരുപതോളം മാടുകളെ ഇവി​ടെയെത്തിച്ച് രാത്രി​യിൽ ഇറച്ചി​യാക്കി​ വി​റ്റിരുന്നതായും ഈ കശാപ്പുശാലയ്ക്ക് പഞ്ചായത്തി​ൽ നി​ന്നുള്ള ലൈസൻസോ ആരോഗ്യ വകുപ്പി​ൽ നി​ന്നുള്ള രേഖകളോ ഇല്ലെന്നും നാട്ടുകാർ പരാതി​ നൽകി​യി​രുന്നു. പഞ്ചായത്തും ആരോഗ്യവകുപ്പും അന്വേഷി​ച്ചതി​ൽ അനധി​കൃത കശാപ്പുശാല പ്രവർത്തി​ക്കുന്നതായും മാലി​ന്യങ്ങൾ നി​ക്ഷേപി​ക്കാൻ ഉള്ള സംവി​ധാനമോ കശാപ്പി​നുള്ള മൃഗങ്ങളെ പരി​ശോധന നടത്തുകയോ ചെയ്തി​ട്ടി​ല്ല എന്നും കണ്ടെത്തി​യതി​നെത്തുടർന്ന് അറവുശാല പ്രവർത്തി​ക്കാൻ പാടി​ല്ല ഇന്ന് രേഖാമൂലം നോട്ടീസ് നൽകി​. വെള്ളറട പൊലീസ് കേസെടുത്തു.