തിരുവനന്തപുരം: നിർദ്ധനരായ 1700 കിടപ്പുരോഗികൾക്ക് പ്ലാസ്​റ്റിക് രഹിത ഡയപ്പറുകൾ സൗജന്യമായി നൽകുന്ന പദ്ധതി നഗരസഭ കൗൺസിലിന്റെ അംഗീകാരത്തിന് സമർപ്പിച്ചിരിക്കുകയാണെന്ന് തിരുവനന്തപുരം നഗരസഭ സംസ്ഥാന മനുഷ്യാവകാശ കമ്മിഷനെ അറിയിച്ചു. കമ്മിഷൻ അദ്ധ്യക്ഷൻ ജസ്​റ്റിസ് ആന്റണി ഡൊമിനിക്കിന്റെ ഇടപെടലിന്റെ അടിസ്ഥാനത്തിലാണ് നടപടി. ഡയപ്പറുകൾ നഗരസഭ സ്ഥാപിച്ചിട്ടുള്ള ഇൻസിനറേ​റ്ററുകളിൽ സംസ്‌കരിക്കുന്നതിനുള്ള നടപടി സ്വീകരിക്കാമെന്നും നഗരസഭ അറിയിച്ചു. നഗരസഭയുടെ ജനകീയാസൂത്രണ പദ്ധതിയായ 'തണൽ പാലിയേ​റ്റീവ് കെയർ' 100 വാർഡുകളിൽ നടത്തി വരുന്നതായി റിപ്പോർട്ടിൽ പറയുന്നു. 10 പാലിയേ​റ്റീവ് കെയർ യൂണി​റ്റുകളിൽ 3528 രോഗികളുണ്ട്. യൂണി​റ്റിൽ മരുന്നുകളും മ​റ്റ് സാധനങ്ങളും വിതരണം ചെയ്യുന്നത് സർക്കാർ ഉത്തരവ് പ്രകാരമാണ്. ഓരോ യൂണി​റ്റിലും 170 കിടപ്പുരോഗികളുണ്ട്. നിലവിൽ തണൽ പാലിയേ​റ്റീവ് കെയർ പദ്ധതിക്ക് 50 ലക്ഷം രൂപയാണ് വകയിരുത്തിയിട്ടുള്ളത്. മനുഷ്യാവകാശ പ്രവർത്തകനായ രാഗം റഹിമാണ് പരാതിക്കാരൻ.