തിരുവനന്തപുരം: താലൂ‌ക്ക് എൻ.എസ്.എസ് യൂണിയന്റെ ആഭിമുഖ്യത്തിൽ എൻ.എസ്.എസ് പതാക ദിനം ആചരിച്ചു. യൂണിയൻ പ്രസിഡന്റ് എം. സംഗീത് കുമാ‌ർ പതാക ഉയർത്തുകയും പ്രതിജ്ഞാവാചകം ചൊല്ലിക്കൊടുക്കുകയും ചെയ്തു. വൈസ് പ്രസിഡന്റ് എം. വിനോദ്കുമാർ, എൻ.എസ്.എസ് ഇൻസ്പെക്ടർ വിജു വി നായർ, വനിതാ യൂണിയൻ പ്രസിഡന്റ് എം. ഈശ്വരിയമ്മ, യൂണിയൻ ഭരണസമിതി അംഗങ്ങൾ, പ്രതിനിധി സഭാംഗങ്ങൾ, വനിതാ യൂണിയൻ ഭാരവാഹികൾ തുടങ്ങിയവർ പങ്കെടുത്തു. താലൂക്കിലെ 175 കരയോഗങ്ങളിലും പതാകദിനം ആചരിച്ചു.