കായംകുളം: എൽ.ഡി.എഫ് ഭരിക്കുന്ന കായംകുളം നഗരസഭയിൽ യു.ഡി.എഫ് അവിശ്വാസ പ്രമേയത്തിന് നോട്ടീസ് നൽകി. സി.പി..എമ്മി​ലെ നഗരസഭാ ചെയർമാൻ അഡ്വ. എൻ.ശിവദാസനെതിരെ 14 യു.ഡി.എഫ് അംഗങ്ങൾ ഒപ്പിട്ട അവിശ്വാസ പ്രമേയത്തിനുള്ള നോട്ടീസാണ് നഗരകാര്യ റീജിയണൽ ജോയിന്റ് ഡയറക്ടർക്ക് നൽകിയത്.

നഗരഭരണം അഴിമതിയിൽ മുങ്ങിക്കുളിച്ചതായും ജനകീയാസൂത്രണ പദ്ധതി അട്ടിമറിച്ചതായും യു.ഡി.എഫ് വാർത്താസമ്മേളനത്തിൽ ആരോപിച്ചു. 44 അംഗ കൗൺസിലിൽ എൽ.ഡി.എഫ്- 22, യു.ഡി.എഫ്-15, ബി.ജെ.പി- 7 എന്നിങ്ങനെയാണ് കക്ഷി നില.