 വെള്ളക്കെട്ടിൽ വീണ് ഒന്നര വസുകാരൻ മരിച്ചു

കായംകുളം: യു.കെ.ജി വിദ്യാർത്ഥിയായ മൂത്ത മകനെ സ്കൂൾ ബസിൽ കയറ്റിവിടാൻ വീടിനു പുറത്തേക്കിറങ്ങിയ അമ്മ അറിയാതെ പിന്നാലെ വന്ന ഒന്നര‌ വയസുകാരൻ സമീപത്തെ വെള്ളക്കെട്ടിൽ വീണു മരിച്ചു. കായംകുളത്തിന് പടിഞ്ഞാറ് കീരിക്കാട് ജെട്ടി ചാച്ചിപനയിൽ ഷൈനി ആർ.പിള്ള - ശ്രുതി ദമ്പതികളുടെ മകൻ ധ്യാൻ (കേശു) ആണ് മരിച്ചത്. ഇന്നലെ രാവിലെ ഒൻപതിനായിരുന്നു സംഭവം. മൂത്തകുട്ടി ധ്രുവതിനെ സ്കൂൾ ബസിൽ കയറ്റി വിടാൻ റോഡിലേക്കു പോയതായിരുന്നു ശ്രുതി. ഈ സമയം വീടിന് വെളിയിലിറങ്ങിയ ധ്യാൻ വെള്ളക്കെട്ടിൽ വീണതറിഞ്ഞ് ഓടിയെത്തിയ ശ്രുതിയും സമീപ വാസികളും ചേർന്ന് കരയ്ക്കെടുത്ത് ഉടൻ തന്നെ ആശുപത്രിയിലേക്കു കൊണ്ടുപോയെങ്കിലും രക്ഷിക്കാനായില്ല. ഗ്രഫിൽ ജോലിയുള്ള പിതാവ് ഇന്ന് നാട്ടിലെത്തിയ ശേഷം സംസ്കാരം നടത്തും.