ആലപ്പുഴ: കണിച്ചുകുളങ്ങര ദേവസ്വത്തിന്റെ ആഭിമുഖ്യത്തിൽ നടത്തിവരാറുള്ള പ്രതിമാസ ചതയദിന പ്രാർത്ഥന 7 ന് വിവിധ ചടങ്ങുകളോടെ ഗുരുദേവ ക്ഷേത്രസന്നിധിയിൽ നടക്കും. രാവിലെ 8 ന് ഗുരുപുഷ്പാഞ്ജലി,9 ന് ദേവസ്വം സെക്രട്ടറി പി.കെ.ധനേശൻ പതാക ഉയർത്തും. 9.15 മുതൽ ബേബി പാപ്പാളിയുടെ നേതൃത്വത്തിൽ പ്രാർത്ഥനയും ഗുരുദേവ കൃതികളുടെ ആലാപനവും. 11ന് കോട്ടയം സോഫി വാസുദേവൻ 'ദൈവദശകം' ഗുരുദേവകൃതിയെക്കുറിച്ച് ക്ലാസ് എടുക്കും. 12.30 ന് ഗുരുദേവ പൂജയും തുടർന്ന് വിശേഷാൽ ദിവ്യ നാമ സമൂഹാർച്ചന. 1 ന് ഗുരുപ്രസാദ വിതരണം.