തുറവൂർ: പട്ടണക്കാട് ഗ്രാമ പഞ്ചായത്തിൽ ക്ഷീരഗ്രാമം പദ്ധതിയുടെ സംഘാടക സമിതി രൂപീകരിച്ചു. ക്ഷീരഗ്രാമം പദ്ധതിയിൽ പട്ടണക്കാട് പഞ്ചായത്തിനെ തിരഞ്ഞെടുത്തിരുന്നു. കേരളത്തിൽ മൊത്തം 10 ഗ്രാമ പഞ്ചായത്തുകളിലാണ് ക്ഷീരഗ്രാമം പദ്ധതി നടപ്പാക്കുന്നത് .പട്ടണക്കാട് ബ്ലോക്ക് പഞ്ചായത്ത് പ്രസിഡന്റ് മണി പ്രഭാകരൻ രൂപീകരണ യോഗം ഉദ്ഘാടനം ചെയ്തു. പഞ്ചായത്ത് പ്രസിഡന്റ് കെ.ആർ.പ്രമോദ് അദ്ധ്യക്ഷത വഹിച്ചു .ക്ഷീര വികസന വകുപ്പ് ജില്ലാ ഡെപ്യൂട്ടി ഡയറക്ടർ കെ.ജി.ശ്രീലത പദ്ധതി വിശദീകരിച്ചു. ജില്ലാ പഞ്ചായത്ത് അംഗം സന്ധ്യാ ബെന്നി, എം.അയൂബ്, റഫീക്ക് എന്നി വർ സംസാരിച്ചു. ഗ്രാമ പഞ്ചായത്ത് പ്രസിഡന്റ് കെ. ആർ.പ്രമോദിനെ ചെയർമാനായും ക്ഷീര വികസന ഓഫീസർ ബി.ആശയെ കൺവീനറായും തിരഞ്ഞെടുത്തു.