മാവേലിക്കര: ശ്രീകൃഷ്ണസ്വാമി ക്ഷേത്രത്തിന് സമീപമുള്ള കോട്ടക്കകത്തെ ഇടറോഡിൽ മൂക്കുപൊത്താതെ നടക്കാൻ വയ്യാത്ത അവസ്ഥയാണ്. ഇവിടെ രാത്രികാലങ്ങളിൽ മാലിന്യം തള്ളുന്നത് പതിവായിരിക്കുകയാണ്. ഭക്ഷണത്തിന്റെ അവശിഷ്ടങ്ങളും കോഴി വേസ്റ്റും അടക്കമുള്ള മാലിന്യങ്ങളാണ് കവറുകളിലാക്കി വഴികളിൽ നിക്ഷേപിക്കുന്നത്.

മാസങ്ങളായി തുടരുകയാണ് ഈ പരി​പാടി​.

പരാതി ഉയരുമ്പോൾ വാർഡ് കൗൺസിലർ ഇടപെട്ട് വൃത്തിയാക്കുന്നതാണ് ഇവിടുത്തെ പതിവ്. എന്നാൽ തൊട്ടടുത്ത ദിവസങ്ങളിലും വീണ്ടും മാലിന്യം തള്ളും. ഇതോടെ കാര്യങ്ങൾ പണ്ടേപ്പടി​യാകും. ഇപ്പോൾ റോഡിലാകെ മാലിന്യം ചിതറി കിടക്കുകയാണ്. ഇതിനാൽ നായ ശല്യവും രൂക്ഷമായിട്ടുണ്ട്.

,,,,

മാലി​ന്യം ഇവി​ടെ കൊണ്ടുവന്ന് തള്ളുന്നത് വലി​യ ബുദ്ധി​മുട്ടുണ്ടാക്കുന്നു. ഇത് തടയാൻ ആരും ശ്രമി​ക്കുന്നി​ല്ല. മാലിന്യം തള്ളുന്നവരെ കണ്ടെത്താൻ എന്തെങ്കി​ലും വഴി​ കണ്ടെത്തണം. ഇവി​ടെ കാമറ സ്ഥാപി​ക്കണമെന്നും അതുവഴി​ പ്രശ്നത്തി​ന് പരി​ഹാരമുണ്ടാക്കണമെന്നാണ് ഞങ്ങളുടെ ആവശ്യം. നഗരസഭ ഇതി​ന് മുൻകൈയെടുക്കണം.